واشنگٹن۔ 18مئی (اے پی پی) صدر براک اوباما و ہپ ہاپ فنکار، میکل مور کانگریس آن خواست کرینے کہ ہفیم و کوکین نا عادی بندغ آتے طبی امداد نا فراوانی نا منظوری ئِ تننگے۔ صدر داہیت ئِ تینا ہفتہ وار ریڈیو تران اٹی پارے۔ صدر اوباما ہفیم و کوکین نا نشہ کروک آتے لاحق خطرہ غاتا ذکر ئِ کرسا پارے کہ دوانا گرج آن زیات مقدار ہر سال مروک آ روڈانا شکست آتیان زیات جان تے ہلنگ کیک۔ صدر پارے کہ 2000 آن گڈ، دا نشہ نا سوب مرک آتا کچ 3گنا ودانے۔ اوباما نا بقول، افسوزناک ہیت دادے کہ لس وڑاٹ دا مرک آتا بنداو معالج ناکنڈآن تجویز کروک جائز دوائی جوڑ مریک۔ منشیات نا عادلت لس وڑاٹ بیدس سوب آن مفک۔ اسہ تازہ جاچ رپورٹ اسینا رداٹ ،44درسد امریکی تے سمائِ کہ دڑد ئِ کم کروک آ دوائیک ہم نشہ نا سوب جوڑ مریرہ۔
