نیپیڈا۔ 22 دسمبر (اے پی پی) میانمار نا کارچن ریاست نا علاقہ جیڈکان اٹی مش انا کرود اسے نا تمنگ آن 80 آن زیات بندغ بے گواہ مسنو۔ چینی میڈیا ہندی انتظامیہ نا کارندہ یوکیاومن نا بابت پارے کہ مش انا کرود اسے نا تمنگ آن 80 آن زیات بندغ بے گواہ مسنو۔ ریسکیو ٹیم تا کمکی کارروائیک برجاءُ۔ ہپاکانت ٹاؤن شپ انا اسہ پولیس آفیسر اس پارے کہ مش انا کرود نا تمنگ آن واقعہ ہندی وخت انا رداٹ سہب انا 4 بجہ غا پیش بس ہراٹی کم و ود 100 بندغ کیرغ مسنو۔ اونا پاننگ ئس کہ کمامدار آک و ہندی ریسکیو ادارہ نوکاپ زدہ علاقہ ٹی سرچ اینڈ ریسکیو آپریشن کننگ ءُ۔