اسلام آباد۔ 17مئی (اے پی پی ) صدر مملکت ممنون حسین پارینے کہ نیشنل ڈیفنس یونیورسٹی (این ڈی یو) آب اٹے تعلیم نا فراوانی، سویلین و فوجی افسر آتا رمائشت و دفاعی حکمت ہائے عملی تجویز کننگ اٹی ستاکڑزوک کڑدادا کننگ ئِ۔ اوداہیت ئِ این ڈی یو نا صدر لیفٹیننٹ جنرل نذیراحمد بٹ اتون ایوان صدر اٹی سے شنبے آ ہیت و گپ کرسا پارے۔ جدید تعلیم نا حصول نا اہمیت ئِ تالان کرسا صدر مملکت ممنون حسین مچ آ ملک اٹی بڑزکو تعلیم نا آب ئِ پین گچین جوڑ کننگ آ زورشاغا۔ او نہ صرف پاکستان نا سلہہ بند فوج انا افسر و سول بیوروکریسی کن بلکن سنگت ملک آتا سینئر افسرآتے کن ہم معیاری سٹریٹجک و سیکورٹی سٹڈیز پروگرام آتا بست و بند کننگ آ این ڈی یو نا ستائِ کرے۔ صدر لیفٹیننٹ جنرل نذیراحمد ئِ این ڈی یو نا صدر نا حیثیت اٹ تقرری آ مبارکبادی ترسا اومیت ظاہر کرے کہ او خواری وولولہ تون تینا پوسکن آ زمہ واری تے نبھائفک۔ صدر این ڈی یو یونیورسٹی آن بابت معاملہ غاتا بارواٹی صدر مملکت ئِ معلومدار کرے۔
