کوئٹہ تون اوار مچ آ صوبہ ٹی جشن ولادت نبی کریم صلی اللہ علیہ و آلہ وسلم نا تیاری تے پورو کننگا، سیکرٹری مذہبی امور عبدالطیف کاکڑ نا ’’اے پی پی‘‘ تون خصوصی گپ وتران

کوئٹہ۔ 18 اکتوبر (اے پی پی) سیکرٹری مذہبی امور عبدالطیف کاکڑ پارینے کہ 12 ربیع الاول ءِ مچ آ صوبہ ٹی شان و شرف اٹ اڈتننگ نا تیاری تے پورو کننگانے۔ وزیراعلیٰ و چیف سیکرٹری نا پارت آ غٹ سرکاری ماڑی تیا بتی لگفنگ و ضلع غاتا کہول آ نعت خوانہ و سیرت النبی صلی اللہ علیہ و آلہ وسلم نا سرحال آ سیمینار و کانفرنس آتا بست وبند کننگ انگ ءِ۔ داخیال آتا درشانی ءِ او دوشنبے نادے آ ’’اے پی پی‘‘ تون گپ وتران کرسا کرے۔ سیکرٹری مذہبی امور عبدالطیف کاکڑ پارے کہ کوئٹہ تون اوار مچ آ صوبہ ٹی جشن ولادت نبی کریم صلی اللہ علیہ و آلہ وسلم نا تیاریک پورو مسنو، خواجہ محمد صلی اللہ علیہ و آلہ وسلم تون مہرومریبت ننا ایمان نا بشخ ءِ و دارداٹ چیف سیکرٹری مطہر نیاز رانا نا پارت آ کوئٹہ ٹی جلسہ غاتا روٹ آتیا بورڈز، پینا فلیکس خلنگانے و اہم ہند آتیا برقی سکرین آتیا خواجہ کریم صلی اللہ علیہ و آلہ وسلم نا شان ءِ خوبصورت وڑاٹ بیان کننگ انگ ءِ ۔ اوپارے کہ ربیع الاول نا دود آتا مسخت اسلام نا حقی تصور، ہند و اسلام نا تعلیمات آتے دنیاءِ سرکننگ ءِ۔