کوئٹہ۔ 18 اکتوبر (اے پی پی) وزیراعلیٰ بلوچستان نا فوکل پرسن ملک مصلح الدین مینگل وزیراعظم عمران خان نا کنڈآن رحمتہ اللعالمین اتھارٹی ناقیام نا ستاءِ کرسا پارے کہ ورناچین ءِ اسوہ حسنہ آن روشناس کرفنگ وخت انا اولین گرج ءِ، خواجہ کریم صلی اللہ علیہ و آلہ وسلم نا رغاموک و اصول آتیا عمل کرسا نن دنیا و آخرت اٹ سرسہب مننگ کینہ۔ داہیت ءِ او دوشنبے نادے آ ’’اے پی پی‘‘ تون خصوصی گپ وتران کرسا پارے، فوکل پرسن وزیراعلیٰ بلوچستان ملک مصلح الدین مینگل پارے کہ بنجائی حکومت عشرہ شان رحمت اللعالمین صلی اللہ علیہ و آلہ وسلم اڈتننگ نا فیصلہ ءِ کرسا اسلامی آسودہی ریاست نا تغ ءِ عملی تعبیر اس تسنے، ربیع الاول نا تُو انا خواست ءِ کہ اسوہ شبیری آ عمل کرسا اسلام نا عدل و انصاف نا رغاموک آتے لس کرسا دشمن نا سازش اآتا مقابلہ ءِ کین، اوپارے کہ وزیراعلیٰ جام کمال نا پارت آ 12 ربیع الاول ءِ شام و شرف اٹ اڈتننگ نا تیاری تے پورو کننگانے و میلاد و مصطفیٰ صلی اللہ علیہ و آلہ وسلم نا جلوس آتے فل پروف سیکورٹی فراوان کننگک۔
