ڈیرہ اسماعیل خان۔ 17مئی (اے پی پی) مزن وزیر محمد نواز شریف ئَ سئے شمبے ئَ ڈیرہ اسماعیل خان ہکلہ موٹروے ئِ بُن ھِشت ایر کُت، ایش پاک چین اقتصادی راہداری ئِ روبرکتی دگ ئِ بھر اِنت۔ کار ئِ بُنگیج کنگ ئِ مراگش ڈی آئی خان ئِ نزیک ئَ یارک ئِ دمگ ئَ برجم دارگ بوت۔ ڈی آئی خان ئِ پُجگ ئَ گورنر خیبر پختونخوا اقبال ظفر جھگڑا، جے یو آئی (ف) ئِ امیر فضل الرحمٰن، بُنجاھی وزیر ہاﺅسنگ اکرم خان درانی ئُُ ٹوھیں کارندہ آں ھوار پاکستان مسلم لیگ (ن) ئُُ جے یو آئی (ف) ئِ مزنیں کساس ئِ ساڑی اَت، آواں مزن وزیر آرا وش اَتک کُت۔ پی سی ون ئِ رد ئَ منصوبگ ئِ سول ورک ئِ سر ئَ 129.782 ارب کلدار ھرچ ئُُ درچ کئیت۔ اے منصوبگ دو سالانی تہ ئَ سرجم کنگ بیت۔ موٹروے ئِ اے ٹکر بازیں پُل ئُُ انٹر چینج آنی تہ ئَ بھراِنت۔ ملک ئِ پد منتگیں دمگ آں چہ گوزوکیں اے موٹروے دگ ئَ چہ روزگار ئُُ نوکیں کاروبار ئِ در پچ بنت۔ اے پیم ئَ معشیت ئَ را باز نپ رسیت۔
