کوئٹہ۔ 16مئی ( اے پی پی) گورنر بلوچستان محمد خان اچکزئی ئَ گشتگ انت کہ مئے ملک ئَ کجام مسئلہ آنی دیمپانی انت آھانی ھل در کنگ ئِ ھاتر ئَ مارا یک راج جوڑ بوھگ ئَ سوچ جنئگ بیت۔ مارا وتی کرد ئُُ عمل ئِ گوں اُلس ئِ ھذمت ئِ ھاتر ئَ تیار بوھگی انت تنکہ آﺅکیں وھد وش بیت۔ ادب ئُُ شاعری وانگ شریں شوق ئِ نشانی انت بلے ایشی سرا ھیال کنگ ئِ ھاتر ئَ اے شعبہ ئَ سکیں وابستگی ئُُ ایراد گیری زاویہ نظر ئِ ضلورت بیت بلے شاعری ئِ سرا گپ کنگی انت ئُُ شعر ئِ سرا ھیال آنی درشانی شوقیہ وانوک آنی ھق انت ئُُ ایشی ارزشت ہم دائیگ لوٹیت۔ آئی ئَ گشتگ کہ بیگم ثاقیہ رحیم الدین ئِ کلہو نفرت ئِ ھلاپ جہاد انت اے ھیال آنی درشانی آئی ئَ قلم قبیلہ ادبی ٹرسٹ پاکستان ئِ بند ئُُ بست ئَ دیوان رونمائی شاعری مجموعہ روکیں وھدئِ شریدار آں تران کنگ ئَ کرتگ۔ دیوان رونمائی ئِ صدر گورنر بلوچستان محمد خان اچکزئی ئُُ مہمان ھاس کمانڈر سدرن کمانڈ لیفٹیننٹ جنرل عامر ریاض ات۔ اے موہ ئَ گورنر ئَ گشتگ کہ شریں شاعری ئِ یک وصف ایش ہم است انت کہ ایشی ئِ بازیں زانوک ہر گپ دل ئَ در کن انت ئُُ دل ئِ سرا اثر کن انت۔ قاری ئُُ شاعر ئِ نیام ئَ اگاں اے سیادی ھست انت گڑا یقینا لس قاری اے سند دات کن انت کہ اے شاعری پسندیدہ شاعری انت۔ آئی ئَ گشتگ کہ مئے ملک ئَ کجام مسئلہ آنی دیمپانی انت آھانی ھل در کنگئِ ھاتر ئَ مارا یک راج جوڑ بوھگ ئَ سوچ جنئگ لوٹیت۔ آئی ئَ گشتگ کہ مسئلہ آنی ھل ئِ ھاتر ئَ کجام ہم گام گیج بہ کنت آھاں اہل علم ئُُ اہل دانش ئِ رائے ئَ دراجی بہ دئیت پرچایہ ہمے آ طبقہ انت کہ فلاح ئِ نیمگ ئَ راھشونی کرت کنت۔ کجام دیمروی ئِ منزل ئِ نشاندگی کرت کنت مارا مرچی ئِ روچ اے عہد کنگ لوٹیت کہ ماں وتی توانائی راج ئِ ھاتر ئَ وقف کن انت۔ ہمے وڑ ئَ ماں وتی اے ملک ئُُ اے دگنیا ئَ جنت ئِ نمونگ جوڑ کرت کن انت۔ آئی ئَ گشتگ کہ مارا یک انچیں چاگردے جوڑ کنگی انت کہ آ زلم ئُُ نا انساپی ئَ پاک بیت اودا ہر شہری ئِ ھاترئَ زند آسان بہ بیت۔
