صوبائی حکومت بلوچستان اٹی شونداری کاریم تا جال اس تالان کرینے ولے دا شونداری گڑاسے کیدنگ مفننگ ءِ اوخوارہ کہ بلوچستان اٹی مستین آنبار لٹ وپل مرے کس اس اوفتیان اَرفپ ولے وزیراعلیٰ بلوچستان نا حکومت اٹ داسہ دُن مفک، بی اے پی نا راہشون میر رامین جان محمد حسنی نا ’’اے پی پی‘‘ تون خصوصی گپ وتران

کوئٹہ۔ 30 ستمبر (اے پی پی) بلوچستان عوامی پارٹی نا راہشون میر رامین جان محمد حسنی پارینے کہ جھل جھاؤ،بیلہ روڈ سی پیک اکن اسہ گیم چینجر اس جوڑ مریک داڑآن نئے بیرہ بارڈرڈسٹرکٹ سندھ آن فائدہ ہرفنگ کیک بلکن داپروجیکٹ آن او علاقہ غاتے ٹی تعلیم ، جان جوڑی و روزگار نا پوسکن ءُ وارخواہی ودی مریک۔ داخیال آتا درشانی ءِ او پنچ شنبے نادے آ ’’اے پی پی‘‘ تون خصوصی گپ وتران کرسا پارے۔ اوپارے کہ بلوچستان اٹی بنجائی پروجیکٹ نا بناتو مستین اٹ ہم بھاز مس ولے او بیرہ کاغد آتا حداسکان محدود ئسر ساڑی حکومت اولیکو وار بلوچستان کن اسہ بھلو زر اس بنجائی پی ایس ڈی پی ٹی تخانے، بلوچستان نا الس وزیراعظم عمران خان و وزیراعلیٰ بلوچستان جام کمال خان عالیانی نا سوچ و فکر و است خواہی ءِ مدام یات تخرہ۔ اوپارے کہ وزیراعلیٰ بلوچستان جام کمال خان بلوچستان نا چندی ضلع غاتا سڑک آتے کن 7بلین ،لائیو اسٹاک کن 1.7 بلین، محکمہ حوالکاری سمارٹ بلڈنگ کن 10 کروڑ و ڈیزاسٹرویلیجیز کن اسہ ارب روپئی نا منظوری ءِ تسنے ہراڑآن الس ءِ بنداوی آسراتی تا فراوانی ٹی کمک رسینگک۔ اوپارے کہ بنجائی حکومت نا بلوچستان ءِ شونداری نا بابت ایلو صوبہ غاتا بریبر اتنگ الس دوستی نا شاہدی اسے ۔ اوپارے کہ بلوچستان ءِ مستین اٹ ہروڑنا آسراتی تیان محروم تخنگا ولے وزیراعظم پاکستان عمران خان و وزیراعلیٰ بلوچستان نا کوشست آتیان بلوچستان نا الس نا احساس محرومی تے چٹفنگ کن عملی و گچین گام گیج کننگانے، صوبائی حکومت بلوچستان اٹی شونداری کاریم تا جال اس تالان کرینے ولے دا شونداری گڑاسے کیدنگ مفننگ ءِ اوخوارہ کہ بلوچستان اٹی مستین آنبار لٹ وپل مرے کس اس اوفتیان اَرفپ ولے وزیراعلیٰ بلوچستان نا حکومت اٹ داسہ دُن مفک۔ میر رامین پارے کہ جھل جھاؤ، بیلہ شاہراہ بلوچستان نا چندی علاقہ غاتے ملفنگ کن بھاز اہمءُ ڈٹ اسے ہراڑآن بلوچستان نا الس ءِ سفرنا گچین آسراتی دُوبریک۔