چمن الس نا راجی آسراتی کن ہروڑنا کوشست کننگ اُن، باسک صوبائی اسمبلی مشر اصغرخان اچکزئی

کوئٹہ۔ 30 ستمبر (اے پی پی) صوبائی اسمبلی نا باسک مشر اصغرخان اچکزئی پارینے کہ چمن الس نا راجی آسراتی کن ہروڑنا کوشست کننگ اُن و حلقہ نا مخلوق نا خذمت ءِ تینا نصب العین تکنہ۔ داخیال آتا درشانی ءِ او چممن اریانہ پمپ کالج روڈ آ معذور آتا بابت اڈہلوک آ دود آن تران کرساکرے۔ دادود اٹی ڈپٹی کمشنر چمن کیپٹن (ر) جمعہ داد خان مندوخیل آن بیدس ضلع چمن نا سد آ نیزگار و لاچار معذور بندغ آک بشخ ہلکر۔ اوپارے کہ راج اٹ دانیزگار لاچار بندغ آتا خاص خیال ءِ تخنگے۔ اصغرخان اچکزئی سد آ نیزگار لاچار شرفمند آ بندغ آتے ٹی لیپ ٹاپ ویل چیئرز و سلائی مشین ہم بشخنگا۔ اوپارے کہ آخبت ہم انشاء اللہ معذور بندغ آتے ہروڑاٹ باوری ایتیوہ، معذور بندغ آک ننا راج اٹ خاص ءُ حیثیت اس تخرہ۔ اوداوخت آ ڈپٹی کمشنر جمعہ داد مندوخیل شرفمند آ صدر عنایت اللہ بشر دوست و ڈی ایچ او ئسک ہم تران کرسا ایم این اے اصغرخان اچکزئی نا منت واری ءِ ہم ہرفینو۔