اسلام آباد۔ 16مئی ( اے پی پی) مزن وزیر محمد نواز شریف ئَ وتی درستیں اثاثہ ئُُ ٹیکس آنی دئیگ ئِ سرا سرجمی ئَ بنجاہی اسمبلی ئَ پیش کرتگ پانامہ پیپرز ئِ پٹ ئُُ پول ئِ ھاتر ئَ سرجمیں ٹرمز آف ریفرنس تیار کنگ ئِ ھاتر ئَ قائد حزب اختلاف ئُُ پارلیمانی پارٹی آنی سروک ئِ سرا ھوار کمیٹی اڈ دئیگ ئِ گشتگ انت ، لندن ئِ فلیٹ 2005ئَ جدہ ئَ 17ملین ڈالر ئِ لاگت ئَ بہا کرتگ سٹیل ملز ئَ گپت انت، جدہ سٹیل ملز ئُُ لندن ئَ فلیٹس ئِ گرگی ئِ ھاتر ئَ یک کلدار ہم پاکستان ئَ ڈن نہ شتگ، مئے دامن ساپ انت، یک آئینی، قانود استثنیٰ ئِ ضلورت نیست انت، گوست ئَ سک ئُُ یک نیمگی احتساب ئَ سرخرو بوھگ ئَ گوستگ انت۔ اگاں ہمے وڑ ئَ ڈوبہ جت انت گڑا سیاستدان بے وقار ئُُ جمہوریت بے توقیر بیت۔ مارا لوٹیت کہ شیر ئِ شیر ئُُ آپ ئِ آپ بیت۔ بد عنوانی، وت واجہی ئِ نا جائز کار مرز ، ٹیکس دُزی، ارب آنی کلدار ئِ وام معاپ کنگ، غیر قانودی وڑ ئَ زر ڈن دیم دﺅک ئِ کہانی ہم اُلس ئِ دیما آھگ لوٹیت، 2018ئِ پاکستان مرچی ئِ پاکستان ئَ چہ زیات روژن، پر امن، محکم ئُُ توانا بیت، دو شمبے ئَ بنجاہی اسمبلی ئِ دیوان ئَ پالیسی بیان دئیگ ئَ مزن وزیر ئَ گشتگ کہ رواں سال اپریل ئِ اول ہفتگ ئَ پانامہ پیپرز ئِ ھوالہ ئَ یک رپورٹ میڈیا ئَ آتگ، ایشی ئَ انچیں آف شور کمپنی آنی نشاندگہی کرتگ آئی ئَ پاکستانی آنی تعلق ہم گشتگ۔ ایشی ئَ اے واضح کرتگ ات کہ المی نہ انت کہ اے آف شور کمپنی غیر قانودی بہ بنت، منی دو زاھگ آنی نام ہم ایشی ئَ آتگ کہ آ گوستگیں بازیں وھد آں ڈنی ملک نندوک انت ئُُ دومی لکھ آنی پاکستانی آنی وڑ ئَ اودا زرق ھلال کٹگ ئَ انت۔ آئی ئَ گشتگ کہ منا منی سنگت آنی مشورہ داتگ کہ چوشکہ منی نام ایشی ئَ ھوار نیست انت ہمے ھاتر ئَ من وت ئَ را احتساب ئِ ھاتر ئَ پیش کنگ مہ لوٹیت پدا ہم من المی سمجھتگ کہ منی ھاندانئِ برز تریں ادارگ ئَ تعینات اے جج ریٹائرڈ بوھگ ئَ ابید ہم انساپئِ بے لاگ جیڑھ پورا کرت کنت۔پدا ہم انچیں چاگرد پیداک کرت انت کہ باز شریں ساکھ ئِ گواچی گوست چیف جسٹس ئَ ہم کمیشن ئِ سروکی ئَ انکار کرت انت۔ ایشی ئَ پد پارلیمانی کمیٹی ئِ تجویز دیما آتگ آئی ئِ سرا ماں شریں رد عمل ظاہر کرت انت پدا ہم ایشی سرا ہم اپوزیشن پشت ئَ شتگ۔ ایشی ئَ پد ایف آئی اے ئَ پٹ ئُُ پول ئِ لوٹ کرت انت گرا ایشی سرا ہم ماں آھاں وتی پسندئِ آفیسر نامزد کنگ ئِ پیشکش کرت انت۔ پدا حاضر سروس چیف جسٹس ئِ سروکی ئَ کمیٹی اڈ دئیگ ئِ لوٹ کرت انت گڑا ایشی سرا ہم 22اپریل ئَ راج ئَ وتی تران ئَ اے لوٹ منگ ئَ کمیشن جوڑ کنگ ئِ جار جت انت پا ہم ایشی ئَ رد کرت انت ئُُ حکومتی ٹی او آرز رد کنگ ئَ ٹی آو آرز ئِ 15نکات دات انت۔ ایشی ئَ شاہد چہ یک سنجیدگی ئِ عضر ھوار انت، اپوزیشن ئِ ٹی او آرز بد عنوانی ئُُ کرپشن ئِ جاہ ئَ یک مردم ئِ چپ ئُُ چاگرد انت۔ ایشی ئَ گشتگ انت کہ آ مزن وزیر ئَ مراد نواز شریف بیت آئی ئِ پا نامہ پیپلز ئَ گپ نہ آئی ئِ سرا فرد جرم جتگ انت۔ آئیءَ گشتگ کہ ماں نہ لوٹاں کہ ملک یک کشمکش ئِ وجہ جوڑ بیت۔ ملک ئِ جوڑ ئُُ جاڑی ئُُ دیمروی ئِ سرا دیوان دئیگ ئِ ھاتر ئَ اے معاملہ ئِ بے لاگ چھان بین المی انت۔ یک مسئلہ ئَ ماں انا ئِ مسئلہ جوڑ مہ کن انت الما پاکستان ئِ انا چہ مئے انا انت مزنو زیر ئَ گشتگ کہ مئے دامن ساپ انت، یک آئینی یا قانودی استثنیٰ ئِ ضلورت نیست انت۔ ماں گوست ئَ ہم یکطرفہ ئُُ سک احتساب ئَ سرخرو در بوت انت ئُُ نوں ہم احتساب ئِ ھاتر ئَ تیار انت ۔ مزن وزیر ئَ گشتگ کہ شاہرگ دوستور ئِ سرا دھرنا ئِ وھد ئَ اے ایوان ئِ کرد باز شر بوتگ ۔ مزن وزیر ئَ گشتگ کہ منی کِر ئَ چیر دئیگ ئَ نہ اول ئَ چیز ات نہ مرچی است انت۔ منی کل پچیں کتاب ئِ وڑ ئَ انت، منی ھاندان پچیں کتابئِ وڑ ئَ انت، منا سیاست ئَ ھچ کٹگ یا جوڑ کنگی نیست البتہ گار ضلور کرتگ اوں من سیاست ئَ کار ئُُ بار ئَ نہ بلکں کار ئُُ بار ئَ سیاست ئَ آتگ اوں۔ آئی ئَ گشتگ کہ من بطور سر وزیر یا مزن وزیر رفاعی ادارگ ئُُ ٹرسٹ ئَ مفت سرکاری ڈگار داتگ اوں، مالی گرانٹس داتگ اوں، مشینری دھگئِ سرا ٹیکس مفت داتگ اوں شریف میڈیکل کمپلیکس یک مزنیں رفاعی ادارگ ئِ پڑئَ کار کنگ ئَ انت ماں آئی ھاتر ئَ یک انچ ڈگار یا مالی گرانٹ نہ گپت انت۔ آئی ئَ جست کرتگ کہ چے کرپشن کنگ ئُُ سرکاری تجویز کنوکآنی رز عمل انچش بیت انت۔ مئے کہانی زرق ھلال، محنت، وقار ئُُ جہد کنگ ئِ کہانی انت آئی ئَ قبضہ ، دُزی، خیانت ، پر مٹ، وام معاپد کنگئِ شائبہ ئَ نیست۔ماں وام ئِ ھاتر ئَ گڑا پائی پائی دئیت۔ مزن وزیر ئَ گشتگ کہ قیام پاکستان ئَ یانزدہ سال دیما ماں تپاک فاﺅنڈری ئَ وتی کار ئُُ بار ئِ بندات کرت انت۔
