راولاکوٹ۔ 16مئی (اے پی پی) وزیراعظم نا خصوصی کمکار سیاسی امور ڈاکٹر آصف کرمانی پارینے کہ اگہ مجید حکومت کرپشن آن بیدس کاریم اس کریرہ تو بلاول ئِ ذاتی جلہو کروئی تمیتوکہ ، کاش بلاول ہیلی کاپٹر آن بیدس ڈغاری کسر آن آزاد کشمیر آ بسکہ تو روڈ آتا حالیت ئِ خنسا مجید حکومت ئِ برطرف کریکہ، ہراوڑ گلگت بلتستان نا الس ہیلی کاپٹر نا ذریعہ گچین کاری مہم چلیفوک آتے ڈغار آ دڑیفے ، ہمووڑ آزاد کشمیر نا غیور الس ہم اوفتے ڈغار آ دڑفیرہ، وزیراعظم محمد نواز شریف نا سیاست صرف خذمت کن ئِ ، او مدبر اسینا وڑاٹ اقوام عالم اٹی کشمیر نا مقدمہ ئِ کننگ ئِ، وزیراعظم نا پن پاناما پیپرز اٹی اف ولے او بندغ آک ہرابے گناہ نواز شریف آ دوبہ خلکورہ اینو تینٹ او کھڈ اٹی تمانو ہرا اوفک اوکھڈئِ نواز شریف کن ختاسور۔ دوشنبے آ داڑے صابر شہید سٹیڈیم اٹی اڈ ہلوک عظیم الشان ورکرز کنونشن آن تران کرسا اوپارے کہ عمران خان تون اونا اے ٹی ایم مشین تا پن پانامہ پیپرز اٹی ہم بسنے و نواز شریف تینا پن ئِ پاناما پیپرزاٹی مفننگ نا باوجود تینے احتساب کن پیش کرینے۔
