اسلام آباد۔ 24ستمبر (اے پی پی) جہانی اقتصادی شونداری ٹی زالبول آتا کڑد بے مٹ ءِ۔ جہانی بینک (آئی ایم ایف) پارینے کہ مچ آ دنیا نا چندی ملک آتے ٹی زالبول آک نیزگاری نا چٹفنگ، زرگزرانی شونداری نا پوسکن ءُ کسر پٹنگ، راجی رکھ انا نیٹ ورک اٹی ودکی و جمہوری ادارہ غاتا کارکڑد اٹی گچینی کن بے مٹ خذمت سرتننگ ءُ۔ آئی ایم ایف جہانی کہول آ زرگزرانی و راجی شونداری ٹی نمان خذمت سرتروک آ زالبول آتا فہرست ءِ مرتب کرینے۔ فہرست اٹی ییل یونیورسٹی نا روہنی پانڈے ءِ تینا چین نا گچین ڈویلپمنٹ اکانومسٹ گوندنگانے ہرا پولیٹیکل اکانومی، جہانی شونداری، صنعتی زرگزران، وڈی خوری نا توننگ و موسمیاتی بدلی نا مقابلہ نا بابت نمان خذمت سرتسنے۔ ہنداوڑ مشی گن سٹیٹ یونیورسٹی نا لیزاڈی کک و یونیورسٹی کالج لندن نا ماریانہ مازوکاٹو ءِ پوسکن آ ایجاد آتا بابت اونا خذمت آ فہرست اٹی اوار کننگانے۔ آئی ایم ایف میسا چوسیٹس انسٹی ٹیوٹ آف ٹیکنالوجی ایستھرڈ فلوءِ ڈویلپمنٹ اکنامکس، یونیورسٹی پینسلزیا نا اولیویا مشعل ءِ پوسکن آ تعلیم و پنشن ریسرچ پین پین جبہ سٹینفورڈ یونیورسٹی نا سوسان ایتھی ءِ اکنامکس آف انٹرنیٹ، آن لائن سروسز، ایڈورٹائزنگ و ٹیک اکنامکس نا بابت اونا خذمت آتا اعتراف اٹ فہرست اٹ اوار کننگانے۔ داکان بیدس جہانی مالیاتی فنڈ مچ آ دنیا نا بااثرزالبول آتا فہرست اٹ ہاورڈ یونیورسٹی نا کوڈیا گولڈ اتون اوار کرسٹن فوربز، نینسی برڈسل، ہیلنی رے و سینہ الکائر ءِ ہم جہانی زرگزران نا چندی بشخ آتے ٹی نمان خذمت آتا امنائی ٹی فہرست اٹ اوار کننگانے۔
