دوحہ۔14ستمبر (اے پی پی): گتر ءَ ترکی ءِ سفیر مصطفے گوکسو ءَ گوشت کہ ترکی ءُ گتر کابل ائیر پورٹ ءَ را آپریشنل کنگ ءِ کمک ءَ کنگ ءَ انت۔ اوگانستان ءِ جیڈھ ءِ رد ءَ آئی ءِ ملک گتر ءِ گوما نزیکیں رابطہ ءِ تہ ءَ انت۔ گتری روتاک الرایا ءَ را گلگدار ے دیان ءَ آئی ءَ گوشت کہ دوئیں ملک آنی حکومت اوگان الس ءُ میاں اوستمانی ایمنی ءُ برجائی ءِ واستہ آئی ءِ ملک ءِ ارزشت ءِ رد ءَ اوگانستان ءِ استیں بنی آدمی ڈکال ءُ سیکورٹی ءُ سیادی دیمروئی گپ ءُ تران آناں جاڑی دار ایت۔ ترک سفیر ءَ میاں اوستمانی برات آنی سر ءَ زور پر دات کہ اوگانستان الس آناں بنی آدمی بنیات ءَ کمک پجاری ءِ واستہ طالبان ءِ گوما گپ ءُ تران آناں جاڑی دار ایت ءُ اوگانستان شہری آناں کمک ءِ پجاری، اوگان آناں پناہ دیگ ءُ اوگان الس ءِ مشکل آناں دور کنگ ءِ واستہ گتر ءِ سفارتی ءُ بنی آدم آنی کمک ءِ کوشست ءَ را ساڑات۔
