جنیوا۔ 08ستمبر (اے پی پی) جہانی ادارہ جان جوڑی پارینے کہ کورونا دین انا پوسکن آ ویر یئنٹ”میو“ مون آ بننگ آن پد ہم ڈیلٹا ویریئنٹ بھاز ترندی اٹ تالان مننگ ءِ ہراکہ غٹ ویئریئنٹ آتیان زیات خطرناک ءِ۔ جہانی ادارہ جان جوڑی نا کوویڈ۔ 19کن ٹیکنیکل لیڈ جینواٹی رہینگوک آ ڈاکٹر ماریہ وان کیرخوو آن لائن سوج و ورندی سیشن آں تران اٹی پارے کہ اونا خیال اٹ کورونا دین انا ڈیلٹا ویریئنٹ غٹ آن زیات گڑتی نا سوبءِ۔ اوپارے کہ ڈیلٹا ویریئنٹ تینے آن مست انا ویریئنٹ نا مقابلہ ٹی اِرا ہنداخہ ترندی اٹ تالان مریک ہرانا مطلب ءِ کہ دا زیات مخلوق ءِ زہمی کننگ کیک۔ اوپارے کہ سائنس دان کورونا دین انا پوسکن آ ویریئنٹ نا مطالعہ ءِ کننگ ءُ۔ جہانی ادارہ جان جوڑی تدوک آ ہفتہ کورونا دین انا پوسکن آ وڑ”میو“ دریافت کریسس ہرانا شناخت اولیکو وار جنوری ٹی کولمبیا ٹی مسوسس۔ ہراکولمبیا ٹی ساڑی مننگ آن پد یورپ و ایلو سویلی امریکی ملک آتے ٹی رپورٹ مسنے۔ جہانی ادارہ جان جوڑی پارے کہ جہانی کہول آ دادین انا تالانی 0.1درسد آن کم وخت اس کہ کولمبیا ٹی 39درسد ءِ۔
