اسلام آباد۔ 01ستمبر (اے پی پی) وزیراعظم عمران خان مالی سال انا اولیکو اِراتُواٹی ایف بی آر نا کٹیا ٹی 51درسد نمو آ خوشی نا درشانی ءِ کرسا پارینے کہ ساڑی آ کچ آن 8295ارب روپئی نا وصولی تا سالانہ ہدف باآسانی دوئی مریک۔ چارشنبے نادے آ جاری ٹویٹ اٹی وزیراعظم پارے کہ کٹیا جمع کننگ نا بابت خوشخبری ءِ کہ ایف بی آر جولائی و اگست 2021ء ٹی 850ارب روپئی یکجا کرے ہرااونا ہدف آن 23درسد زیات و تدوک آ سال ہنداوخت اٹی مچ مروک آ کٹیا ٹی 51درسد نمو نا نشانی ءِ۔ وزیراعظم پارے کہ ساڑی آ کچ آن 8295ارب نا وصولی تا سالانہ ہدف انشاء اللہ باآسانی دوئی مریک۔
