بیجنگ۔ 16مئی (اے پی پی) پاک فوج انا سروک جنرل راحیل شریف اِرا دے ئی سرکاری دورہ غا بیجنگ آ سرمسنے ہراڑے او چین نا فوجی و سیاسی سروک آتون اوڑدہی کرینے۔ پاک فوج انا شعبہ تعلقات عامہ(آئی ایس پی آر) نا رداٹ جنرل راحیل شریف ئِ چینی دارالحکومت بیجنگ آ سرمننگ آ چین نا سلہہ بند فوج انا کنڈآن گارڈآف آنر پیش کننگا ۔ پاک فوج انا سروک جنرل راحیل شریف چین انا آرمی چیف جنرل لی زوچینگ تون اوڑدہی کرے و پوسکن آ آرمی ہیڈ کوارٹر نا اڈتننگ آ چینی ہم منصب ئِ مبارکباد پیش کرے۔ دیوان اٹی ہڑتوم آ ہمسایہ و سنگت ملک آتا سلہہ بند فوج آتا نیام اٹ کمک ئِ ودفنگ، تربیت کن ڈ ل آتا درشان، اودیم معلومداری تا درشانی و چائنہ پاک اقتصادی راہداری نا سیکورٹی تون اوار تین پہ تینی است خواہی نا ایلو معاملہ غاتیا درشانِ خیال کننگا۔
