بغداد۔ 16مئی (اے پی پی) عراق نا وزیر خارجہ ابراہیم الجعفری دہشت گردی نا برخلاف جنگ اٹی جہانی برادری آن کمک نا خواست کرینے۔ عراقی میڈیا نارداٹ تدوک آ دے بغداد اٹی عراق کن اقوام متحدہ نا خصوصی نمائندہ جان کوبیش تون ہیت و گپ کرسا ابراہیم الجعفری پارے کہ دہشت گردی نا برخلاف جنگ اٹی جہانی برادری ئِ عراق تون پبی کمک کروئی مرے۔ اوپارے کہ عراقی کمامداروسیاسی راہشون ملک اٹی جاری سیاسی و سیکورٹی تنکی تا ون ئِ توننگ نا پورو طاقت تخک۔ داوخت آ اقوام متحدہ نا خصوصی نمائندہ جان کوبیش جہانی برادری نا کنڈآن دہشت گردی نا برخلاف جنگ و سیاسی تنکی نا ایسری کن عراقی حکومت تون کمک نا یخین ترفے۔ اوعراق نا سیاسی تنکی نا ایسری کن پارلیمنٹ نا دیوان ئِ خوائفنگ و ہیت و گپ نا چرجوئی نا بنائِ کننگ ناخواست ئِ ہم کرے۔
