دمشق۔ 16مئی (اے پی پی) شامی دارالحکومت نا نواح ٹی اعتدال پسند باغی تا کوزہ ٹی علاقہ غاتیٹی انتہاپسند باغی تا نیام اٹ جاری جھیڑہ غاتا نتیجہ ٹی 300 آن زیات جنگوڑو تپاخت کرینو۔ جرمن احوالکاری تا رداٹ سیرئین آبزرویٹری فارہیومن رائٹس نا سروک رامی عبدالرحمان تینا بیان اٹی پارینے کہ دے ٹکی غوطہ ٹی متحارب باغی رڑآتیٹی شدید جنگ انا چرجوئی جاری ئِ۔ ہرانا نتیجہ ٹی اطراف ئِ بھلو جانی نسخان اس ہرفوئی تمنگئِ۔ دے ٹکی غوطہ ٹی دا جنگ تدوک آ تو انا آخراٹی ہمووخت آ شروع مس ہراتم باغیک دا علاقہ ٹی کوزہ کننگ نا کوشست نا بنائِ کریسر۔
