خضدار، وڈھ وہیر نا ہند آ پک اپ و کوچ اس ڈوک لگار، مسہ بندغ ہمووخت آ زوال کریروخت اس کہ اِرابندغ ٹھپی مسر

کوئٹہ۔ 19جولائی (اے پی پی) خضدار نا علاقہ وڈھوہیر نا ہند آ پک اپ و کوچ اسے نا ڈوک لگنگ اٹ مسہ بندغ ہمووخت آ زوال کریر وخت اس کہ اِرابندغ بھاز ٹھپی مسر۔ لیویز نا رداٹ دوشنبے نادے آ بلوچستان نا علاقہ خضدار وڈھ وہیر نا ہند آ پک اپ و کوچ اس ڈوک لگار ہراٹی پک اپ اٹ سوار مسہ بندغ زوال و اِرابندغ ٹھپی، کوچ اٹی سوار غٹ بندغ آک بچار، پک اپ وڈھ آن خضدار آ ہناکہ ہراکہ ساہدار آن لوڈ ئس وخت اس کہ کوچ کوئٹہ غان کراچی آ ہناکہ، زوال کروک و ٹھپی مروک آتا تعلق وڈھ دراکھالہ غان پاننگ انگ ءِ۔ 1122ریسکیو کرسا ٹھپی مروک آتے خضدار آ گدریفے و لاش تے اوفتا وارث آتا حوالہ کریر، لیویز مستی کارروائی کننگ ءِ، عینی شاہدی تا پاننگ ئس کہ پک اپ نا ٹیر انا ترخنگ نا سوب آن بے قابو مرسا کوچ اتون ڈوک لگا۔