کوئٹہ۔ 19جولائی (اے پی پی) چیئرمین بلوچستان بورڈ انٹرمیڈیٹ اینڈ سیکنڈری ایجوکیشن کوئٹہ پارینے کہ بلوچستان بورڈ کورونا دین انا مسٹ میکو ریسہ ٹی خواری و جفاکشی اٹ میٹرک و انٹرسالانہ امتحان 2021ءِ اڈترسا پاکستان نا غٹ بورڈ آتیا سبقت دوئی کرے ہراکہ صوبہ کن شرفمندی نا سوب ءِ داسہ انشاء اللہ عئید آن پد میٹرک نا سالانہ امتحان 2021نا نتیجہ غاتا پڑو ءِ کننگک، داہیت ءِ او تینا جاری کروک بیان اسے ٹی کرے۔، چیئرمین بلوچستان بورڈ پروفیسر محمد یوسف بلوچ پارے کہ صوبائی حکومت تعلیم ءِ لس کننگ کن ہروخت کوشست کننگ ءِ چناتے گچین وڑاٹ تعلیم تننگ کن غٹ دوئی وسیلہ غاتے کاریم اٹ اتنگ ءِ چناتے ہم بایدے مرے کہ او علم است انا حب اٹ دوئی کیر انتئے کہ مون آ ہنسا ہندا چناتے ملک انا آخبت ءِ سنبھالوئی ءِ، ننا کوشست ءِ کہ بروک آ چین تے پوسکن آ تعلیم نا زیور آن شپ کین، ساڑی آ دور تعلیم نا ءِ، جہالت اسہ قوم اسے نا ہم تقدیر ءِ بدل کننگ کپک، جہالت نا تہاری ٹی رہینگسا شونداری نا تغ ءِ اسل پورو کننگ مفک، اوپارے کہ میٹرک سالانہ امتحان2021و انٹرسالانہ امتحان2021ء ءِ سرسہب اڈترسا صوبہ نا طالب علم آتا تعلیمی سال ءِ زیان مننگ آن بچفین و داسہ صوبہ نا طالب علم آک تندہی اٹ مون آ ایڈمیشن، پروفیشنل کالج آتا داخلہ انٹری ٹیسٹ پین پین اکن تیاری ٹی تینے اختہ کیر، اوپارے کہ ہراڑآن طالب علم آک کالج اٹ ایڈمیشن ہلسا تینا تعلیم نا چرجوئی ءِ برجاتخنگ کیر ہ ایلو ماندہ ملک انا چناک داسہ تینا امتحان تے تننگ ءُ و بلوچستان بورڈ غٹ آن مست رزلٹ تننگ نا پوزیشن ءِ برقرار تخسا کورونا دینی دورانیہ ٹی تیناکارکڑد ءِ برقرار تخاو تدوک آ سال تیانبار مچ آپاکستان نا بورڈآتیا سبقت ءِ برقرار تخا۔ بلوچستان بورڈ صوبہ نا طالب علم آتے آسراتی تننگ اٹ اصلاحات نا عمل ءِ برجاتخانے داسہ ویری فیکیشن، رجسٹریشن، امتحانی فارم، رول نمبر سلپ رزلٹ کون آ ریسہ غاتے ڈیجیٹلائز کننگانے۔ ہراڑآن صوبہ نا مرمرانگا علاقہ غاتا طالب علم و لس الس فائدہ ہرفنگ کے ہراڑآن اوفتا وخت ءُ پاس، سفری خڑچ و ایلوڈکھیائی تیان بچفنگ اوار ءِ۔
