کوئٹہ۔ 06جولائی (اے پی پی) پاکستان کوسٹ گارڈز کارروائی کرسا گوادر نا علاقہ نیوٹاؤن ایئرپورٹ روڈ انا خڑک آ اودیم کروک آ 93کلوگرام بڑزکو کوالٹی نا ہیرون دوئی کرے، دامنشیات آتے سمندر نا کسر اٹ پیشن نا ملک آ اسمگل کننگ ئسک۔ ہلوک آ منشیات آتا جہانی مارکیٹ اٹی مالیت 25.389ملین ڈالر نا لگ بھگ ءِ۔ ترجمان پاکستان کوسٹ گارڈ انا رداٹ پاکستان کوسٹ گارڈ ءِ اودیم ذریعہ اٹ حوال ملا کہ گوادر(بلوچستان) آن بھلو کچ اسے ٹی منشیات اسمگل مننگ نا گڑتی ءِ ہرادے مون آ تخسا ڈائریکٹر جنرل پاکستان کوسٹ گارڈ تعلقدار کمانڈر ءِ تینا علاقہ ٹی چیکنگ ءِ پین سخت کننگ نا پرمان جاری کرے۔ ڈائریکٹر جنرل پاکستان کوسٹ گارڈز ورنا تا داسخت خواری و بڑزکو کارکڑدانا ستاءِ کرے۔ یات سلے کہ پاکستان کوسٹ گارڈ ہروڑنا اسمگلنگ نا توننگ کن ہروخت لگوک ءِ، و ملکی زرگزران ءِ سوگو کننگ اٹ تینا کڑد ءِ ادا کرسا کیک۔
