کوئٹہ۔ 16مئی (اے پی پی) گورنر بلوچستان محمد خان اچکزئی پارینے کہ ننا ملک ئِ ہرا ویل آتا مون تروکی ئِ اوفتے ایسر کننگ کن ننے اسہ قوم اس جوڑ مریسہ سجفوئی مریک ۔ ننے تینا کڑد وعمل تون الس نا خذمت کن تیار مروئی ئِ تانکہ بروک آ وخت خوشگوار مرے۔ ادب و شاعری خواننگ گچین ئُ ذوق اسینا علامت ئِ ولے اوڑآ اظہار رائے کن دابشخ اتون گہری وابستگی و تنقیدی زاویہ نظر نا گرج مریک ولے شاعری آ ہیت کروئی ئِ و شئیر آ اظہاررائے شوقیہ خوانوک آتا حق ئِ و اودے اہمیت ہم تروئی مرے۔ اوپارے کہ بیگم ثاقبہ رحیم الدین نا کلہو خارتا برخلاف جہادئِ ۔ داخیال آتا درشانی ئِ او قلم قبیلہ ادبی ٹرسٹ پاکستان نا کنڈآن دود رونمائی شاعری مجموعہ ”چلتے سمے“ نا شریک مروک آتیان تران کرسا کرے۔ دود انا صدر گورنر بلوچستان محمد خان اچکزئی و مہمان خاص کمانڈر سدرن کمانڈ لیفٹیننٹ جنرل عامر ریاض ئس۔ داوخت آ گورنر پارے کہ گچین شاعری نا اسہ وصف اس داہم ارے کہ اوٹی پاروک آہیت است آن پیش تمک و است آ اثر شاغک۔ قاری و شاعرنا نیام اٹ اگہ دا تعلق اڈ ہلیک تو یقینا لس قاری دا سند ئِ تننگ کیک کہ داشاعری پسندیدہ شاعری اسے۔ اوپارے کہ ملک ئِ ہراویل آتا مون تروکی ئِ اوفتے ایسر کننگ کن ننے اسہ قوم اس جوڑ مرسا سجفوئی مریک۔ ننے تینا کڑد وعمل اتون الس نا خذمت کن تیار مروئی ئِ تانکہ بروک آ وخت خوشگوار مرے۔ اوپارے کہ پاکستان اقوام عالم اٹی منفرد و گچین قوم اسینا حیثیت اٹ چاہنگے۔ نن وخت اس ہم جاگہ اس کان پاکستانی مننگ آ فخر کین ۔ اوپارے کہ ویل آتا ایسری کن انت کہ گام گیج اس کین اوٹی اہل علم و اہل دانش نا رائے ئِ فوقیت ایتن انتئے کہ ہمودا تپہ ئِ ہرا شرحالی نا کنڈ راہشونی کننگ کیک، ہراشون نا مزل نا پیدواری ئِ کننگ کیک ننے اینو نا دے دا عہد ئِ کروئی مرے کہ نن ہم تینا توانائی تے قون اکن وقف کینہ۔ ہنداوڑاٹ نن تینا دا ملک و دا دنیا ئِ جنت نا نمونہ اس جوڑ کننگ کینہ۔ اوپارے کہ ننے اسہ ہندن ئُ معاشرہ اس جوڑ کروئی ئِ ہرا ظلم و نا انصافی آن پاک مرے ہراڑے ہرشاری کن زند آسان مرے۔
