اسلام آباد۔ 23جون (اے پی پی) قومی احتساب بیورو(نیب) انا ایگزیکٹیو بورڈ اسہ وڈی خوری اسے نا ریفرنس اس دائر کننگ، 16انکوائری، 2انویسٹی گیشن تا منظوری ءِ تسنے۔ ایگزیکٹیو بورڈ انا دیوان چیئرمین نیب جسٹس جاوید اقبال نا کماشی ٹی نیب ہیڈکوارٹراسلام آباد اٹی مس۔ دیوان اٹی حسین اصغر، ڈپٹی چیئرمین نیب سید اصغرحیدر، پراسیکوٹر جنرل اکاؤٹبلیٹی،نیب، ظاہر شاہ، ڈی جی آپریشنز،م نیب و ایلو سینئر آفیسرآک دیوان اٹی بشخ ہلکر۔ نیب انا دا متکن آ پالیسی ءِ کہ نیب انا ایگزیکٹیو بورڈ انا دیوان نا بارواٹ سرجم حوال آتے الس ءِ فراوان کننگے ہرا وڑوڈول تدوک آ کیہی سال آن رواج ءِ، ہرانا مسخت کس اسے نا است آزاری اف۔ نیب اسہ انسان دوست ءُ ادارہ اسے ہرا کانود نا رداٹ ہر بندغ نا عزت نفس انا شرف ءِ کننگ آ سختی اٹ یخین تخک۔ نیب انا غٹ انکوائری و انویسٹی گیشن پاننگوک دوبہ غاتا بنداو آ بناکننگک ہراکہ حتمی مفک۔ نیب کانود نا رداٹ غٹ تعلقدار بندغ آتیان اوفتا موقف ءِ معلوم کننگ آن پد پین جاست وپاست کننگ یاکپننگ نا فیصلہ کیک تانکہ انصاف نا غٹ خواست آتے پورو کننگے۔ قومی احتساب بیورو نا ایگزیکٹیو بورڈ انا دیوان اٹی محمد رمضان سہیتو و ایلوفتا برخلاف وڈی خوری نا ریفرنس نا منظوری ءِ تننگا۔ دوبہ دار آتیا مبینہ وڑاٹ واکداری تا روا کاریم اٹ اتسا ایجوکیشن اینڈ لٹریسی ڈیپارٹمنٹ نوشہرو فیروز سندھ اٹی 95غیر کانودی بھرتی کننگ نا دوبہ ءِ۔ ہراڑآن قومی خزانہ ءِ کم و ود 16کروڑ روپئی نا نسخان رسینگا۔ قومی احتساب بیورو نا ایگزیکٹیو بورڈ انا دیوان اٹی 16انکوائری تا منظوری ءِ تننگا۔ ہرافتے ٹی غلام مرتضیٰ جتوئی مسکوہی وزیر و ایلوفک،محکمہ گوازی، ورکس اینڈ سروس ڈیپارٹمنٹ نا آفیسر /کارندہ و ایلوفک، حاجی خان عمرانی، عبد الجبار یوسفزئی و ایلوفک، خدا بخش نظامانی، مسکوہی باسک قومی اسمبلی،خدا بخش راجرمسکوہی بنجائی وزیر اور ایلوفک،بورڈ آف ریونیو ملیر کراچی نا آفیسر /کارندہ و ایلوفک،19شوگرملزاکن سبسڈی(میرپورخاص،ٹھٹھہ،خیرپور،سجاول وایلوفک)، پیتم داس، سپرنٹنڈنٹ انجینئر،آفیسر/کارندہ و ایلوفک،بغار اری گیشن سرکل کوٹری بیراج حیدر آباد ریجن،محکمہ کانود حکومت سندھ انا آفیسر /کارندہ،سہیل منصور، ریحان منصور خواجہ(مبینہ فرنٹ مین بابر غوری مسکوہی بنجائی وزیر) وایلوفک،حسن علی شریف،پرائیویٹ پرسن(مبینہ فرنٹ مین مکیش کمار چاولا،وحید شیخ ڈپٹی ڈائریکٹرایکسائز اینڈ ٹیکسیشن ڈیپارٹمنٹ سندھ) وایلوفک،سعدیہ فاطمہ سکندر، عثمان سکندر،ارم فاطمہ سکندر،خلیل الرحمان وایلوفک،ریونیو ڈیپارٹمنٹ گوٹھ آ باد سکیم ملیر کراچی کے آفیسر /کارندہ،،لاڑکانہ ماڈل ٹاؤن ہاؤسنگ سکیم وگلشن مصطفی سکیم ناانتظامیہ وایلوفک،،منرل ڈیپارٹمنٹ وریونیوڈیپارٹمنٹ سندھ انا آفیسر/کارندہ وایلوفک،کنسلٹنٹ اے اے ایسو سی ایٹس،میسرز سردار اشرف ڈی بلوچ کنٹریکٹر،یوسف علی مسکوہی باسک کنسٹرکشن،مکیش کمار جنرل منیجر سندھ ساؤتھ این ایچ اے سکھر،ایاز میمن،مسکوہی پراجیکٹ ڈائریکٹر،ریاض احمد سہیتوپراجیکٹ ڈائریکٹر فنانس سیکشن این ایچ اے نا برخلاف انکوائری تا منظوری اوار ءِ۔
