نیویارک۔15مئی (اے پی پی) پاکستان ئَ ناشرکاری ئِ ھلاسی ئِ ھاترا میاں اوستمانی تک ئَ گام گیج ئِ زورگ ئِ سر ئَ زور پر داتئُ گوشت کہ زوراک آنی دیم ئَ ھمزور آنی جیڈھ بے مانا بوھگ ئِ سبب ئَ ناشرکاری گور جنت۔ یونائیٹڈ نیشن ئِ سلامتی کونسل ئَ گشتانک دیان ئَ یونائیٹڈ نیشن ئَ پاکستان ئِ سفیر ملیحہ لودھی ئَ ناشرکاری ئِ ھلاپ ئَ چست کتگیں گام آنی بابت ئَ گوشت کہ ایشاناں جوان ئُُ مزن کنگ المی اِنت۔ آئی ئَ گوشت کہ ناشرکاری ئَ را اِچ نیک راھی ، دود ئُُ ربیدگ یا اِچ بھر ئَ گوں سیادی نیست۔ پاکستانی سفیر ئَ 15کسی سلامتی کونسل ئَ ناشرکاری کاروئی ئِ سبب ئَ میاں اوستمانی تک ئَ سیکیورٹی بیم ئِ وجہ ئَ وتی ھیالانی درشانی کُت۔ آئی ئَ گوشت کہ توامیں ملک وتی راجی تک ئَ ، سیاسی تک ئَ ، اقتصادی ئُُ نیک راھی تک ئَ را وتی نگاہ آنی چیر ئَ بکن اَنت ئُُ جیڈھ ئِ گیواری ئَ در بہ گیج اَنت۔ مارا میاں اوستمانی تک ئَ نااِنساپی، اگربی ئُُ لچڈئی وڑیں ھوپ آناں ھلاس کنگی اِنت۔
