ہرارے۔ 19اپریل (اے پی پی) پاکستان و زمبابوے نا کرکٹ ٹیم تا نیام اٹ مسہ ٹی 20 انٹرنیشنل میچ آتیا تالان سیریز نا اولیکو میچ چارشنبے نادے آ ہرارے سپورٹس کلب اٹ مریک۔ قومی کرکٹ ٹیم سویلی افریقہ نا سرسہب دورہ غان پد بابراعظم نا کماشی ٹی زمبابوے آ سرمسنے ہراڑے او میزبان ٹیم انا برخلاف مسہ ٹی 20 انٹرنیشنل و اِراٹیسٹ میچ آتا سیریز کیک۔ ٹی 20 سیریز نا اولیکو میچ 21 اپریل، ارٹ میکو میچ 23 اپریل وخت اس کہ مسٹ میکو و آخیریکو میچ 25 اپریل آ مریک۔ ہڑتوم آ ٹیم تا نیام اٹ سیریز نا اولیکو ٹیسٹ 29 اپریل آن 3 مئی وخت اس کہ ارٹ میکو ٹیسٹ 7 آن 11 مئی اسکان مریک۔ دورہ ٹی اوار غٹ میچ آک ہرارے سپورٹس کلب اٹ مریرہ۔ پاکستانی ٹیم انا کماشی ءِ بابر اعظم کیک وخت اس کہ میزبان ٹیم سین ولیمز نا کماشی ٹی میدان اٹ دڑنگک۔
