اسلام آباد۔ 13مئی (اے پی پی) ایوان بالا ٹی کیہی سیاسی جماعت آتیان تعلق تخوک آ باسک آک السی اہمیت نا معاملہ غا کیہی معاملہ غاتیا ہیت کریر۔ جمعہ آ ایوان بالا نا دیوان اٹی سینیٹر کبیر محمد شہی پارے کہ لسبیلہ و حب اٹی دونیم گھنٹہ بجلی بننگ ئِ وخت اس کہ بھاز بل گدریفنگ انگ ئِ۔ دا معاملہ نا نوٹس ئِ ہلنگے۔ سینیٹر سعود مجید پارے کہ خولم نا بمپر فصل بسنے ولے زمیندار آتے مشکلات آتا مون تروکی ئِ۔ خولم نا ہلنگ اٹی ودکی کننگے تانکہ زمیندار آتا ایسر مننگ کے و اودے تینا خواری نا بھرم ملنگ کے۔ سینیٹر محسن لغاری پارے کہ کشارگر نا 15درسد کٹیا ئِ مڈل مین آ دیرہ ۔ کشارگرآتا حالیت آک گچین افس، سینیٹر عثمان کاکڑ خواست کرے کہ شونداری ڈٹ آتے ٹی بلوچستان ئِ اولیت تننگے۔
