استنبول۔ 13مئی (اے پی پی) ترک سیکورٹی فورسزآک دہشت گرد آتا برخلاف جولائی آن جاری کارروائی تیٹی 6ہزار 623دہشت گرد آتے تپاخت کرینو۔ ترک میڈیا ترکی نا سلہہ بند فوج انا ہیڈ کوارٹر نا کنڈآن برجاءکروک رپورٹ نا بابت پارینے کہ سویل دے ٹکی اناطولیہ نا علاقہ ٹی سیکورٹی فورسز آک قوم اتون اواری اٹ دہشت گرد تنظیم ’پی کے کے‘ نا ٹھکانہ غاتے نشانہ جوڑ کرینو و 22جولائی آن جاری کارروائی تیٹی 6ہزار 623دہشت گرد آتے تپاخت کننگانے۔ سلہہ بند فوج انا کنڈآن قطبی عراق اٹی دہشت گرد آتا ٹھکانہ غاتیا جلہو نا وخت تپاخت کروک آ دہشت گرد ہم اوبندغ آتیٹی اوڑدہ ئُ۔ سلہہ بند فوج انا پڑوٹی پاننگانے کہ دہ توآن جاری کارروائی تے ٹی دزگیر کروک آ ٹھپی تا کچ 695ئِ ہرافتے آن 641دہشت گرد آک تینے سیکورٹی فورسز آتا دوٹی تسنووخت اس کہ 716دہشت گرد آتے سیکورٹی فورسز آک دزگیر کرینو۔
