اسلام آباد۔ 13مئی (اے پی پی)وزیراعظم محمدنواز شریف صوبہ خیبر پختونخوانا حلقہ پی کے ۔8پشاور نا ضمنی گچین کاری تیٹی سرسہبی آ مسلم لیگی اومیت دار ارباب وسیم حیات و مسلم لیگی کارندہ غاتے مبارکبادی ترسا پارینے کہ مسلم لیگ (ن) ناسرسہبی دراصل ساڑی آ حکومت نا الس دوست پالیسی تیا پبی پت انا درشانی ئِ ،پشاور نا الس شون نا ایجنڈہ نا حق اٹی وونٹ تسنو۔ جمعہ آ برجاءبیان نا رداٹ وزیراعظم پارے کہ پشاور نا باشعور الس منفی سیاست و پوسکن آ خیبر پختونخوا جوڑ کننگ ناخورک نعرہ خلوک آتے بھاز بے وڑمسترد کرینو۔ اومیت ئِ کہ ارباب وسیم الس نا اومیت آتیا پورو سلک و اونا شون و شونہالی کن ہرحد اسکان کاہک۔ وزیراعظم دا عزم انا درشانی ئِ کرے کہ نن خیبرپختونخوائِ اسہ روشن خیبر پختوانخواہ اس جوڑ کرسا دم کشنہ۔
