اسلام آباد۔12مئی (اے پی پی) بُنجاھی وزیر منصوبگ بندیئُُ دیمروئی احسن اقبال ئَ گوشت کہ تھر ئِ ھاترا ماسٹر پلان جوڑ کنگ المی اِنت، سندھ حکومت ئُُ اینگرو پاور پلانٹ ئَ سرمایہ کاری کنوکیں کمپنی آناں گوشگ بوتگ کہ آ ماسٹر پلان ئِ تیاری ئَ وتی گام آں تُرند بکن اَنت۔ سرمایہ کار آناں تھر ئِ اُلس ئِ زندمانی ئُُ آسودگی ئِ ھاترا وتی چاگردی ذمہ واری آں پیلو بکن اَنت۔ اے ھیالانی درشانی پنچ شمبے ئِ روچ ئَ پاکستان چین اقتصادی راہداری ئِ دیمروئی منصوبگ آنی سر ئَ چار ئُُ تپاسی دیوان ئِ پاگواجئی کنان ئَ گوشت اَنت۔ آئی ئَ گوشت کہ تھر ئَ سرمایہ کاری یوک ئَ نپ ئُُ سیت ئِ ھاترا کنگ مہ بیت، بلکینگ ئَ دمگ ئُُ چاگرد ئِ دیمروئی ئِ ھاترا کنگ بہ بیت۔ آئی ئَ گوشت کہ گوادر ئَ تاوان ئِ منصوبگ ئَ را اِشکر ئَ چہ ایل این چی ئُُ ٹیل ئِ سر برگ ئِ منصوبگ ئَ را زوت سرجمم کنگ ئِ ھاترا ہدات جاڑی کنگ بوتگ۔ آئی گوشت کہ ھاٹیگ ئِ منصوبگ سن دو ھزار اژدھ ئَ دھ ھزار میگاواٹ بجلی نیشنل گرڈ ئَ کئیت۔ آئی ئَ دیمتر گوشت کہ وزارت ئِ آپ ئُُ لین ئَ را ہدایت کنگ بوتگ کہ آ یک ھپتگے ئِ تہ ئَ یک جوانیں پلان ئِ جوڑ بہ کنت، تانکہ آیوکیں سئے سالانی تہ ئَ نوکیں جوڑ کتگیں توان ئِ بھر ئُُ بانگ ئِ کار جوانتریں رنگے ئَ کنگ بہ بیت۔ گوادر ئِ منصوبگ آں چار ئُُ تپاس کنان ئَ آئی ئَ گوشت کہ ماسٹر پلان ئِ تیاری ئِ واستہ اربن پلاننگ ئِ لوٹ آنی رد ئَ ہدایت کنگ بوتگ کہ زمین ئِ نیاد آنی کنٹرول ئِ ھاترا لینڈ زوننگ ئِ کانود برجم دارگ بہ بیت۔ دیوانئَ بازیں منصوبگانی کار ئِ گام آناں چار ئُُ تپاس کنان ئَ دل یکیمی ئِ درشان کُت۔
