اسلام آباد۔ 12مئی (اے پی پی) بنجائی حکومت نا ریٹائرمنٹ آن پد کذیت کروک آملازم آتا اسہ چوری مسڑاسے کن میرج گرانٹ ئِ 50ہزار روپئی آن ودفسا اسہ لکھ روپئی کننگ نا منظوری تننگانے۔ دا چرجوئی ٹی ایف ای بی و جی آئی ایف رولز 1972ءٹی المی ترمیم کننگ انگ ئِ۔ ساڑی ہی ٹی بورڈ آف ٹر سٹیز سیکورٹی واقعہ ٹی سروس نا وخت آ تپاخت کروک آ ملازم آتا خاہوت آتے کن ماہانہ بینوولینٹ گرانٹ نا زرئِ ہم دوگنی کننگ نا پڑوئِ کرینے۔ اوکان بیدس ملازم آتا سروس ناوخت آ کذیت کننگ نا دروشم اٹی ملازم آتا گریڈ نا وڑخصوصی گرانٹ نا زرئِ اِرالکھ آن ودفسا پنچ لکھ روپئی کننگانے ہرا جمی امدادی زر10لکھ روپئی اسکان نا مالیت آن بیدسئِ۔ بورڈ آف ٹرسٹیز بنجائی حکومت نا ملازم آتے کن فوائد نا پالیسی تا پدریسہ جاچئِ ہلنگ ئِ۔ داوخت شرحالی اسکیم آتا رداٹ فنڈز انا ذریعہ ملازم آتا چناتے کن ودکی مراعات فراوان کننگ انگئِ ہرافتے ٹی متوفی ملازم نا اسہ چنانا برام کن 50ہزار روپئی نا گرانٹ و اِراچناتے کن 20آن 40ہزار روپئی نا سالانہ تعلیمی وظائف ہم اوارے وخت اس کہ بنجائی حکومت نا ملازم آتا چناتے کن سالانہ اسہ لکھ روپئی اسکان نا فیس واپسی ہم اوارے و کم از کم 20سال سروس آن گڈ ریٹائرمنٹ آن گڈ ملازم آتے آخریکو ادا کروک آ پنداوڑی نا مساوی الوداعی گرانٹ ہم تننگک۔ فیڈرل ایمپلائز بینوولینٹ فنڈ و رڑانشورنس ایکٹ 1969ءنا نفاذ نا ذریعہ کننگانے۔
