اسلام آباد۔ 12مئی (اے پی پی) سینیٹ نا قائمہ کمیٹی امور دفاعی پیداوار، دفاعی تجزیہ نگار، مسلم لیگ ن نا سینیٹر لیفٹیننٹ جنرل (ر) عبدالقیوم پارینے کہ الس چاہک کہ ویل داسا کرپشن یا اخلاقیات نا اف، ویل صرف و صرف سیاسی برتری نا دوئی نائِ۔ ساڑی حکومت نا شون و شان پالیسی تا بدولت 3سال انا وخت ملک اٹی مروک آ 43چھاﺅنی تا بلدیاتی گچین کاری و 27ضمنی گچین کاری حکمران جماعت کٹانے، وزیراعظم جوڑ مننگ نا تغ ئِ خنوک آ عمران خان بیدار مرے ، اونا داتغ وخت اس ہم پورو مفک۔ متحدہ اپوزیشن اٹی اوار سیاستدان آتا مسکوہی غٹ قوم انامون آٹی ئِ۔ درو ہرافتے تنقید نا نشانہ جوڑ کننگ عمران خان نا مشغلہ ئس اینو ہموفتا مخ تفی ئِ دوئی کننگ کن ہر حد اسکان ہِننگ کن تیار مسنے، حقی سیاسی سرکڑدہ غاک نیزگار، افلاس م، جہالت و بے روزگاری نا چٹفنگ کن اواری اٹ تولر، حکومتی کاریم تے ٹی رخنہ شاغنگ آن دا معاملہ غاک ایسر مفسہ ، ساڑی عسکری سروک ہندن انگا دوتے ٹی ئِ ہرافتے مون تروک چیلنج آتا ادراک ئِ۔ قومی خبررساں ادارہ ”اے پی پی“ ئِ خصوصی انٹرویو ٹی لیفٹیننٹ جنرل (ر) عبدالقیوم پارے کہ اسہ غیر جانبدار عبوری حکومت اسینا رداٹ کرفوک آ 2013ءنا لس گچین کاری تا نتیجہ ، بلدیاتی الیکشن و مچ آ ملک انا چھاﺅنی تا ساڑی آ گچین کاری تے ٹی السی رجحان و مستین مسہ سال انا وخت مچ آ ملک اٹی مروک آ 33ضمنی گچین کاری تیان 27اٹی حکمران جماعت نا سرسہبی آن داہیت صاف ظاہر ئِ کہ بروک آ کم از کم بروک آ 7آن 8 سال ملکی مفاداٹی حکومتی پالیسی تا تسلسل ئِ اُننگ خواہک و دا السی رجحان نا پدبحیثیت قوم جاری سیاسی بلوغت ئِ۔ اوپارے کہ ساڑی آ حکومت صوبہ غاتا جاچ وت واجہی تو خن تیا ولے دا دے است آن دروئی مف کہ صوبائی حکومت صوبہ غاتے و فیڈریشن نانمائندہ ئِ۔ بین الاقوامی کہول آ اگہ پاکستان سسٹین ایبل ڈویلپمنٹ گولز اٹی پدی سلک تو او بین الاقوامی برادری ئِ دا پاننگ کپک کہ صوبہ غاتا علمی ، جان جوڑی، کشت وکشار و ماحولیات کون آ اہم معاملہ غاتے ٹی ننا ہچ ئُ عمل دخل اس اف۔ اینو پاکستان نا غٹ آن بھلا دژمن نیزگاری، افلاس ، جہالت و بے روزگاری ئِ، ننا سیاسی ایلم اوڑآ کاٹم ئِ تورے تولے۔ حکومتی کاریم تے ٹی رخنہ شاغنگ آن دا معاملہ غاک ایسر مننگ کپسہ۔
