دوشنبے۔ 12مئی (اے پی پی) پاکستان ، تاجکستان، اوغانستان و کرغزستان نا راہشونک پنچ شنبے آ ”نیامی ایشیائ، سویلی ایشیا۔کاسا1000 “ بجلی ڈٹ انا اواری وڑاٹ باضابطہ بنائِ کریر و اودے غٹ تعلقدار ملک و اوفتا الس نا شونہالی کن اسہ وڑ و تین پہ تینی وڑاٹ سودمند گوندانے۔ وزیراعظم محمد نواز شریف، تاجکستان نا صدر امام علی رحمانوف، اوغانستان نا چیف ایگزیکٹو عبداللہ عبداللہ و کرغزستان نا وزیراعظم جین بیکوف سورانبائی دارالحکومت دوشنبے آن تقریباََ 47کلو میٹر مر طورسنزادے شار اٹی ڈٹ انا باضابطہ بنائِ کریر۔ کاسا 1000 نا رداٹ پاکستان ئِ اوغانستان نا کسرتاجکستان و کرغزستان آن اسہ ہزار میگاواٹ بجلی دوئی مریک وخت اس کہ کل 1300میگاواٹ آن اوگانستان ئِ ہم 300 میگاواٹ بجلی ملک۔ داتکا ٹی ذیلی اسٹیشن تون کرغزستان آن بناءکروک آ ٹرانسمیشن لین نا تاجکستان اٹی 4ذیلی اسٹیشن مریرہ و ولدا دا اوغانستان آن گدرینگسانوشہرہ ٹی کنورٹراسٹیشن تون پاکستان آ سرمریک۔ ہر چار آراہشونک دود اٹی تینا تقریر آتیٹی ڈٹ ئِ اولیتی بنداو آزوت عملی جامہ بیرفنگ آ اتفاق کریر و پاریر کہ دا ڈٹ نیامی ایشیاءو سویلی ایشیانا نیام اٹ علاقائی ہم آہنگی کن اہم ئُ سنگ میل اس ثابت مریک۔ وزیراعظم محمد نواز شریف تینا تصور نا کیہی سال پد کاسا 1000 نا عملدرآمد نا مرحلہ ٹی پترینگ انگ آ است جمی نا درشانی ئِ کریسہ پارے کہ دا ڈٹ پاکستان ، تاجکستان، کرغزستان و اوغانستان نا نیام اٹ شون و شون کمک نا مظہرئِ۔ اودادے مجوزہ نیامی ایشیائ، سویلی ایشیاءعلاقائی الیکٹر سٹی مارکیٹ ( سی اے ایس اے آر ای ایم) ئِ عملی جامہ بیرفنگ نا کنڈاسہ اہم ئُ گام اس گوندا۔ اوپارے کہ دا ڈٹ کیہی اقتصادی ، راجی و ماحولیاتی فائدہ غاتیان بیدس توانائی نا کاختی ئِ کم کننگ و روزگار نا وارخواہی و واپار اٹی گچینی نا بابت ہر چار آ ملک آتے کن مفید مریک۔ اوپارے کہ مواصلاتی رابطہ خواہ فضائی یا ریل انا کمک اٹ مرے علاقائی ہم آہنگی، معیشت و واپاری شون و السی رابطہ غاتے کن کلیدی حیثیت اس تخک۔ وزیراعظم محمد نواز شریف تاجک فضائی کمپنی سومون نا 6مئی 2016ءآن دوشنبے و لاہور نا نیام اٹ جہاز آتا بناءنا خیرمقدم ئِ کرے ہراڑآن نہ صرف ہڑتوم آ ملک آتا نیام اٹ سفر اٹی آسراتی مریک بلکن اقتصادی تعلقداری و سیل و سوات اٹی ہم ودکی مریک۔ اودایخین نا درشانی ئِ کرے کہ او دے مر اف ہراتم سویلی ایشیاءتوانائی و واپاری راہداری تا کمک اٹ نیامی ایشیاءتون پوروی وڑ اٹ ہم آہنگ مریک ہراڑآن راجی شون مریک و ڈیہہ ٹی شونہالی بریک۔ وزیراعظم ڈٹ آ عملدرآمد اٹی جہانی بینک ، اسلامی شونداری بینک، یو ایس ایڈ، برطانوی محکمہ بین الاقوامی شون و آسٹریلوی ادارہ بین الاقوامی شون نا کمکاری نا ہم ذکر ئِ کرے۔
