ڈیرہ مرادجمالی۔ 12مئی (اے پی پی) ڈیرہ مراد جمالی نا علاقہ ٹی متکن ئُ دشمنی اسینا بناءآ سلہہ بند بندغ آک سم کاری کرسا اسہ بندغ اسے ٹھپی کریر، دوبہ دارآک موقع واردات آن نرار، ٹھپی ئِ ہسپتال آ گدریفنگا۔ پولیس نا رداٹ پنچ شنبے آ ڈیرہ مراد جمالی نا علاقہ نوتال پولیس تھانہ ربی کینال نا دنگ اٹی سلہہ بند بندغ آک متکن ئُ دشمنی اسینا بناءآسم کاری کرسا سیواخان پنی ئُ بندغ اسے ٹھپی کریر۔ دوبہ دار آک موقع واردات آن نرنگ اٹی سرسہب مسر۔ پولیس ئِ حوال ملنگ تون ہی موقع غا سرمرسا ٹھپی ئِ دمدستی وڑاٹ ہندی ہسپتال آ گدریفیر ، ہراڑے اودے طبی امداد تننگ انگ ئِ۔ پولیس علاقہ ناناکہ بندی ئِ کرسا دوبہ دار آتا پٹنگ نا بنائِ کرینو۔
