اسلام آباد۔11مئی ( اے پی پی) مزن وزیر محمد نواز شریف چار شمبے ءِ سھبءَ تاجکستان ءِ دو روچی سرکاری ترءُ تاب ءَ رھادگ بوتگ۔ کہ آھودہ آ بجلی ءِ منصوبہ ’’ کاسا 1000‘‘ ءِ بُنگیجی مراگش ءَ ھوار بیت۔ پاکستان ءِ مزن وزیر اے ترءُ تاب ءَ تاجکستان ءِ صدر امام علی رحمانوف ءِ صلہ جنگ ءِ سرءَ کنگ ءَ اِنت۔ آپ ءُ لین ءِ ءُ دیمپانی ءِ بنجاھی وزیر خواجہ محمد آصف ، مزن وزیر ءِ دری کارانی صلہ کار طارق فاطمی ءُ سینئر حکام ھم مزن وزیر ءِ ھمراھ اَنت۔ شریداریں ملک ءُ دگہ فریقین آنی رہنما آنی ھم ’’کاسا 1000‘‘ ِٗ ءِ بُنگیجی مراگش ءَ ھوار بوھگ ءِ اُمیت اِنت۔ ’’ کاسا1000‘‘ منصوبہ ءِ تہا تاجکستان ءُ کرغزستان گرمام ءَ یک ہزار میگاواٹ لین پاکستان ءَ را ءُ 300میگاواٹ لین اوگانستان ءَ را دنت۔ اے منصوبہ تاں 2018ءَ سرجم بوھگ ءِ اُمیت اَست۔ منصوبہ ءِ تہا بہا گپتگیں لین ءَ چہ گرماگ ءَ پاکستانءِ تہا لین ءِ کمی ءَ پیلوکنگ ءَ کمک رسیت،اے وھداں تاجکستان ءِ تہا فاضل پن لین دست کپت ءُ ھمے وڑءَ اے منصوبہ درسانی ھاترءَ پاھدگ مند بیت۔ ’’ کاسا1000‘‘ منصوبہ اولی منصوبہ اِنت کہ پاکستان ، اوگانستان ، تاجکستان ءُ کرغزستان ءَ را لین ءِ گرڈ ءَ چہ بندوک کنت۔ مزن وزیر محمد نواز شریف ترءُ تاب ءِ تہا تاجکستانءِ صدر ءِ گوما ھم گندءُ نند کنت کہ ایشیءِ تہا باپار، توانائی ، دیمپانی کمک ءَ ھوار دراج بُھریں کارانی سرءَ گپ ءُ تران کنگ بیت۔ دوھیں رھشون وت مہ وتی ھدوکی ءِ دمگیءُ میاں اوستمانی جیڑھانی سرءَ ھیال ءُ لیکہ ءِ درشانی کنگ بیت۔
