دو شمبے ۔11مئی (اے پی پی) مزن وزیر محمدنواز شریف دو روچی سرکاری تر ئُُ تاب ئَ تاجکستان ئِ دارلحکومت دو شنبے ئَ سر بوھگ ئِ پد ئَ آئی ئِ جوانیں رنگ ئَ وش اتک کنگ بوت۔ تاجک مزن وزیر کوکھیر رسول زادو ئَ دو شنبے ائیرپورٹ ئَ آئی ئَ را گوں آئی ئِ گل ئِ گوما وش اتک کُت۔ مزن وزیر ئِ ھمبراھ بُنجاھی وزیر آپ ئُُ لین خواجہ محمد آصف ئُُ ھاسیں کمکار دبرائے درئی کار طارق فاطمی ھم تر ئُُ تاب ئَ گون اَتنت۔ مزن وزیر ئِ پُجگ ئَ دو زھگ آں آرا پُل دات ئُُ آرا سلامی پیش کُت۔ اے موہ ئَ بالی پڑ ئَ مزنیں کساس ئَ زھگ ساڑی اَتاں آواں ربیدگی پُچ ئُُ پوشاک گورا اَت، آواں مزن وزیر ئَ را وش اتک کُت۔ تاجکستان ئَ پاکستان ئِ سفیر طارق سومرو، تاجک سفیر جونونوف شیر علی ئُُ دگہ کلانائیں کارندہ آں ھم مزن وزیر ئِ وش اَتکی ئَ پہ ساڑی اَتاں۔ مزن وزیر پنچ شمبے ئِ روچ ئَ نیامی ایشیا ئِ زرّباری ایشیائِ 1000(کاسا1000) پراجیکٹ ئِ بُنگیجی مراگش ئَ بھر زوریت۔
