APP76-28 LAHORE: October 28 – Prime Minister Imran Khan addressing during “Insaf Doctors Forum Convocation" to pay tribute to the health professionals at Aiwan-e-Iqbal. APP photo by Rana Imran

اسلام آباد۔28 اکتوبر (اے پی پی) مزن وزیر عمران خان انصاف ڈاکٹر فورم ءَ چار شمبے ءِ روچ ءَ ایوان ءِ اقبال لاہور ءَ تران کنان اَت۔ آئی ءَ گوشت کہ کورونا ءِ دومی بھر ءِ سبب ءَ کیس گیش بوھگ ءَ انت، ایٹماسپئر ءِ ھرابی ءِ سبب ءَ کورونا کیس آنی تہ ءَ گیشی بوتگ۔ آئی ءَ گوشت کہ رکھینگی رھبند آنی وتی کنگ ءَ چہ ایشی ءَ چہ مہ رکھ ات کناں۔ آئی ءَ گوشت کہ وھد ءِ چاگرد ءِ تہ ءَ جزا ءُ سزا نہ بیت گڈاس آ چاگرد بے سر ءُ پاد بیت۔ آئی ءَ ہپستال ءُ جان سلامتی ءِ بابت ءَ تران کت ءُ گوشت کہ سیر لاپیں مردم در ملک ءَ وتی دوا ءُ درمان ءِ ھاترا ڈن ملک ءَ شتگ انت۔ گریب سرکاری ہسپتال آنی تہءَ ہزارنی جیڈھ ءُ جنجال آنی گوما دیم پہ دیم انت، آئی ءَ گوشت کہ ہسپتال آنی کار رپک ءِ تہءَ گہتری المی انت۔ آئی ءَ گوشت کہ برءِ برءِ مردم گوشاں کہ کجا شتگ نوکیں پاکستان، من مردم آناں پسو دیاں کہ سسٹم ءِ چینج بوھگ نوکیں پاکستان انت۔ آئی ءَ گوشت کہ مدینہ ءِ ریاست یک نمونگ ات، نبی کریم صلی اللہ علیہ وسلم ءِ کتاب ءِ وانگ ءَ چہ سہرا بیت کہ جھد ءُ کوشست ءَ چہ کامیاتی رسیت۔ دگنیا ءِ راجدپتر ءَ سہرا انت کہ سرجم ءُ برجم بوھگ ءِ واستہ ھلاس نہ بوھوکیں ءُ نہ کُٹوکیں جھد ءُ کوشست ءَ چہ گران ءَ چہ گران تریں کوھنڈگ آسر بنت۔ آئی ءَ گوشت کہ دوئیں شوکت خانم کامیات بوتگ انت۔ خیبر پختونخوا ءَ ریفام آرگ ءَ چہ ہسپتال آں دیمروئی کتگ۔ اے ملک ءَ کسان کسانیں مافیا نشتگ انت آ چینج آرگ نئیل انت۔ بزگیں مردم آنی کمک یک بے دروریں کار ات۔ سیر لاپیں مردم وتی دوا ءُ درمان ءَ ڈن ملک ءَ رونت۔ مئے بنی کریم صلی اللہ علیہ وسلم مئے واجہ ءُ مئے رھشون انت۔ مئے ہسپتال آنی تہ ءَ المی انت کہ درستاناں ھمرنگیں دوا ءُ درمان بکن ات۔ سیرلاپ ءُ گریب نادارھی ءِ ساھت ءَ ھم کچ ءَ درد ءَ مار انت، چو مہ بیت کہ سیر لاپ آنی دوا ءُ درمان زوتی ءَ ءُ آسراتی ءِ گوما کنگ بہ بیت ، گریب آناں آسراتی دیگ مہ بیت۔ پاکستان اے وھد ءَ کورونا وائرس ءِ ھلاپ ءَ جنگ ءَ انت۔ آیوکیں دو ماہ آنی تہ ءَ گیشاں چہ گیش وت ءَ بہ رکھین ات، ھدا ھیر کنت، گہتری بیت۔ مزن وزیر ءَ ہسپتال ءُ نادراھ آنی بابت ءَ تران کت ءُ گوشت کہ بد بھتی ءَ گریب آنی دوا ءُ درمان ءِ واستہ باز نزوری کنگ بیت، وھد ءِ سیر لاپیں مردم ءِ ھمے سرکاری نادراھ جاھ ءَ کئیت گڈا آسراتی ءُ الکاپی ءَ چار ءُ تپاس کنگ بیت، آئی ءَ گوشت کہ من ءَ بے کس ءُ بے وسیں مردم آنی باز گم ءُ پگر انت، آ وتی نادراھی ءِ واستہ وتی استیں سرجمیں جم کتگیں زرّ ءُ کٹ ءَ بباد دیاں پہ وتیں نادراھی ءَ آ سکیں ساھت ءِ تہ ءَ اینگر آنگر تچ ءُ تاگ کناں، گریب آنی جان سلامتی ءِ واستہ صحت انصاف کارڈ ءِ گامگیج ھمے بے کس ءُ بے وسیں نادراھ آنی واستہ یک جوانیں گامگیج ات، نوکیں پاکستان ءِ اندر ءَ بے وسیں مردم آنی آسراتی مھکمیں ءُ برجمیں گامگیج چست کنگ بوتگ۔ آئی ءَ گوشت کہ سرجمیں مردم کنٹینر ءِ سر ءَ اوشتاتگ انت، درستیں دُز ءُ ڈنگ وتی دپ ءَ ھرچی پچ بہ لگوشنت من گریب آنی آسراتی ءُ دیمروئی ءِ کشک ءَ رھادگیں ملک ءَ را پراہ آنی واستہ واتر نہ باں۔ آئی ءَ گوشت کہ ڈاکٹر آنی چاگرد ءِ اندر ءَ یک ھاسیں بستار ءُ شرپ ءِ است انت۔ سرکاری ہسپتال آنی اندر ءَ کسانیں کرپٹیں مردم دیمروئی نہ لوٹ انت۔ شوکت خانم ہسپتال دگنیا ءِ تہ ءَ ھما ہسپتال انت کہ 75 درسد مریض آنی مپت ءَ علاج ءَ کنت۔ سرکاری ہسپتال آنی اندر ءَ گہتری آرگ المی انت۔ ڈاکٹر ءُ پرامیڈیکل اسٹافاں سکیں ساھت ءَ گوں دیم پہ دیمی کتگ۔ بزگریں مردم آنی کمک یک راجی زمہ واری اِت۔ از نامداریں پاکستانی ڈاکٹر من ڈن ملک ءَ دیستگ انت کہ آ جوانیں سسٹم ءُ آسراتی آنی سببءَ ڈن ملک ءَ گوں نامداری ءَ کار کنگ ءَ انت، ھمے ڈن ملکی رنگیں آسراتی پاکستان ءِ تہءَ ڈاکٹر آناں پجاری کنگ بنت، بلدکار ءُ نامداریں ڈاکٹر وتی جندے ملک ءِ تہءَ وتی بے دروریں ازمت آں پیلو کن انت۔