اِرا تُو انا تہہ ٹی نیشنل ایمرجنسی ہیلپ لائن نمبر اس جوڑ کننگ نا پارت
اسلام آباد۔ 30 ستمبر (اے پی پی) وزیراعظم عمران خان نیشنل ایمرجنسی ہیلپ لائن نمبر اس اِرا تُو انا تہہ ٹی جوڑ کننگ نا پارت کرینے، ملک انا غٹ ایمرجنسی ہیلپ لائن نمبر آتے پوسکن آ نظام تون گنڈنگک، ہروڑنا ناگہانی حالیت اٹ شاریک نیشنل ہیلپ لائن نمبر نا کمک اٹ دمدستی کمک دوئی کننگ کیرہ۔ چارشنبے نادے آ وزیراعظم آفس نا میڈیا ونگ انا کنڈآن جاری بیان نا رداٹ موٹروے سانحہ نا رداٹ وزیراعظم عمران خان بھلو فیصلہ اس کرسا نیشنل ایمرجنسی ہیلپ لائن اس جوڑ کننگ نا پارت کرینے و دا چرجوئی ٹی پی ایم ڈلیوری یونٹ ءِ اہم ٹاسک اس تننگانے۔ پی ایم ڈلیوری یونٹ نیشنل ایمرجنسی ہیلپ لائن آ کاریم نا بناءِ کرینے۔ نیشنل ایمرجنسی ہیلپ لائن کن جتا ءُ نظام اس جوڑ کننگک۔ ہروڑنا ایمرجنسی نا حالیت آتیٹی مچ آ ملک اکن اسہ ایمرجنسی ہیلپ لائن نمبر اس مریک۔ وزیراعظم نیشنل ہیلپ لائن مبر نا جوڑ کننگ ءِ اِراتُو انا تہہ ٹی پورو کننگ نا پارت کرینے۔ وزیراعظم آفس نا رداٹ ملک انا غٹ ایمرجنسی ہیلپ لائن نمبر آتے پوسکن آ نظام تون گنڈنگک۔ نیشنل ایمرجنسی ہیلپ لائن نمبر ٹول فری مریک۔ نیشنل ہیلپ لائن نمبر آن ہروڑنا ناگہانی حالیت اٹی شاری نا دمدستی کمک مننگ کیک۔ پوسکن آ سسٹم اٹ پوسکن آ ٹیکنالوجیءِ کاریم اٹ اتسا ملک انا غٹ موبائل کمپنی تیان کمک ہلنگک و نظام ءِ گچین و سوگو کننگ کن کانود سازی کننگک۔، دا چرجوئی ٹی کانود سازی کن صوبہ غاتون ہم سلابت مریک۔