اسلام آباد۔ 26 جون (اے پی پی) وزیراعظم نا خصوصی کمکار سیاسی امور ڈاکٹر شہباز گل پارینے کہ سینیٹر شیری رحمان ءِ بیرہ لینڈنگ گئیر پی آئی اے جہاز شکست نا سوب نظر بننگ ءِ۔ جمعہ نادے آ تینا ٹویٹ اٹی اوپارے کہ او پائے کہ جہاز انا بڑزی، ٹچ ڈاؤن نا ویل، ایئر ٹریفک کنٹرولر نا وارننگ، بیلی لینڈنگ و انجن نا پِڷنگ آن پد ہم جہاز ءِ ولدا بڑزا دننگ انت ایئر بیس یا سول ایوی ایشن یا پی آئی اے نا قصور ءِ۔ یات سلے کہ سینیٹر شیری رحمان تینا ٹویٹ اٹی پاریسس کہ کوویڈ۔ 19 آ شرہ غان پد ہم اسہ پائلٹ اس ہم لینڈنگ نا وخت آ لینڈنگ گیئر ڈاؤن کننگ ءِ گیرام کپک۔ اومستی پاریسس کہ اسہ امریکی ویڈیو اسے ٹی کاک پٹ آن بروک آ ڈنگ ڈنگ نا توار نا ہم جاچ ءِ ہلنگانے، مننگ کیک کہ لینڈنگ گیئر اولیکو وار ملنگپروئے۔ سینیٹر شیری رحمان تینا ٹویٹ اٹی پاریسس کہ ایئر بس کمپنی، پی آئی اے و سول ایوی ایشن اتھارٹی کن ہنداٹی آسراتی ئس کہ شکست اٹ زوال کروک آ پائلٹ ءِ زموار گوندسا تینا جان ءِ کشنگے۔