اسلام آباد ۔ 25جولائی (اے پی پی) چین پاکستان اقتصادی راہداری (سی پیک) ڈٹ انا رداٹ جوڑ کروک آ سکی کناری ہائیڈرو پاور پروجیکٹ دسمبر 2022ء ٹی پورو مننگ آن پد دا ڈٹ ملک اٹی بجلی نا کاختی ٹی ہم 20 درسد کمتی اتیک ۔ سی پیک اتھارٹی نا کمامدارآتارداٹ ڈٹ آ کاریم کروک آ پاکستانی و چینی ورکرز آتا کچ 4ہزار آن گدرینگا ہرا 24گھنٹہ متاماری کننگ ءُ ۔ بروک آ سال جوڑ جاڑی سرجزآتاڈٹ آ کاریم کروک آ پاکستانی کارندہ غاتا کچ 6 ہزار آن ودک ہراڑان روزگار نا فراوانی ٹی ودکی مریک و خلقت نا زند انا آب ءِ گچین کننگ مریک ۔ خیبر پختونخوا نا ضلع مانسہرہ نا دامان کاغان اٹی کنہار دریاغا جوڑ کروک آ نجی بشخ انا بھلا ڈٹ دسمبر 2022ء اسکان پورو کننگک ہراڑان 870 میگاواٹ بجلی قومی گریڈ اٹی اوار مریک ۔ ڈٹ آ چین نا ژیگوباگروپ 1;46;962ارب ڈالر نا زرکاری کننگ ءِ ۔