اسلام آباد۔28اکتوبر (اے پی پی): مزن وزیر عمران خان ءَ گوشت کہ روبرکتی دگنیا ھاسیں رنگ ءَ یورپ ءِ نیمگ ءَ مئے دوستیگیں بنی کریم ﷺ ءِ شرپ ءَ نہ وشیں اکس کاری ءِ وسیلگ ءَ ءُ اسلام فوبیا ءِ گیش لھڈ بوھوکیں جیڈھ آنی رد ءَ مسلمان آنی اندر ءَ نہ وشی گیش بوھگ ءَ انت، روبرکتی دگنیا ءَ را پھمگ لوٹ ایت کہ مسلمان آناں ھمکچیں ازت دیگی انت، مئے ایمان ءُ پیغمبر اسلام ءِ شان ءَ گستاخی اچبر قبول کنگ نہ بیت، مسلمان سروک آناں اسلام فوبیا ءِ ھلاپءَ یکوئی ءِ درشان کنگ لوٹ ایت۔ اے ھیالانی درشانی آئیءَ جتا جتائیں مسلمان ملک آنی سروک آناں بنشتگیں نمدی ءِ اندر ءَ کت۔ مزن وزیر ءَ گوشت کہ روبرکتی دگنیا ھاسیں رنگ ءَ یورپ ءِ نیمگ ءَ مئے دوستگیں نبی کریم ﷺ ءِ شان ءَ نہ وشیں اکس جوڑ کنگ ءُ اسلام فوبیا ءِ گیش بوھگ ءَ انت۔ آئیءَ گوشت کہ یورپ ءَ مسیت آناں بند کنگ بوھگ ءَ انت، زالبول آناں السی جاھ ءَ وتی مستری ءَ پوشاک پر کنگ ءَ چہ زبھر کنگ بوھگ ءَ انت وھدیکہ دومی نیمگ ءَ پادری ءُ بُیک آناں وتی نیک راھی پوشاک گورا کنگ ءِ اجازت انت۔ اے ملک آنی تہ ءَ مسلمان آنی ھلاپ ءَ ناروائیں سلوک گیش ودگ ءَ انت۔ آئی ءَ گوشت کہ مارا روبرکتی ملک آناں پھمینگ لوٹ ایت کہ مسلمان آناں ھمکچیں شرپ ءُ ازت دیگی انت، مارا روبرکتی ملک آناں وتی شرپ ءُ ازت ءِ بابت ءَ سرپد کنگ لوٹ ایت، مئے ایمان ءُ اللہ پاک ءِ کلوہ ءَ را آروک ءِ شاہ ءَ گستاخی ءَ را اچ رنگ ءَ قبول ءُ سگگ نہ بیت۔ آئی ءَ گوشت کہ دگنیا کسد ءُ کینگی ءِ دیمپان بوت نہ کنت، کسد ءُ کینگ ءُ کشت ءُ ھون ءَ چہ ناشرکاری ءَ را سیت رسیت۔ آئی ءَ گوشت کہ بوسنیا، اوگانستان، عراق ءُ بھارت ءِ گیر کانودی سر ءَ کپاری مقبوضہ کشمیر ءَ مسلمان آناں جنگ ءُ کشگ بوتگ، مسلمان سروک آناں اسلام فوبیا ءِ ھلاپ ءَ یکوئی ءِ درشان کنگ لوٹ ایت۔ آئی ءَ گوشت کہ مارا ریاست ءِ مدینہ ءُ مدینہ ءِ منوگری ءِ چیر دستی ءَ ایمنی ءُ سگ ءُ اوپار ءِ سبک دیگ بوتگ۔