راولپنڈی۔28اکتوبر (اے پی پی): سرڈگاری اُرد ءِ سروک جنرل قمر جاوید باجوہ ءَ ناشرکار آنی نیمگ ءَ استیں ناشرکاری واکیہ ءِ رد ءَ ورنا آناں تیار بوھگ ءِ پنت ءُ شون کنان ءَ گوشت کہ 27 اکتوبر ءَ یوم سیاہ کشمیر ءِ موہ ءَ دژمن آں یک رند ءِ پد ءَ سیاھیں راجدپتر ءُ سِلیں جزم آناں دوارگ سرجم کنگ ءِ ھاترا مدرستہ ءِ کودکیں زھگ آنی کشت ءُ ھون کنگ بوتگ، تاں وھد ءِ ایمنی ءَ گوں نہ ننداں ھما وھد ءَ تاں ناشرکار ءُ ایشانی آسراتی پجاری کنوک آناں گڈی آسر ءَ تاں مہ رسین آں، زیک ھم سرجمیں راج ءَ ناشرکاری ءَ را رد کنان ءَ بے دروریں یکوئی ءِ درشان کتگ بوتگ ءُ مرچی ھم اے جوزگ ءِ چیر دستی ءَ یک مشت انت۔ آ چار شمبے ءِ روچ ءَ اپر دیر مالا کنڈ ءِ تر ءُ تاب ءُ مدرسہ ءَ بوتگیں تراک ءِ سبب ءَ ٹپیگ بوتگیں زھگ آنی ھال پرسی ءِ واستہ ہسپتال ءِ تر ءُ تاب ءِ موہ ءَ تران کنگ ءَ ات۔ پاک اُرد ءِ شوبگ آئی ایس پی آر ءِ نیمگ ءَ جاڑی بوتگیں بیان ءِ رد ءَ پاک اُرد ءِ سروک جنرل قمر جاوید باجوہ ءَ اَپر دیر مالا کنڈ ڈویژن ءِ تر ءُ تاب کت۔ کور کمانڈر پشاور کور لیفٹیننٹ جنرل نعمان محمود ءَ آرچی چیف ءَ را وش اتک کت۔ سرڈگاری اُرد ءِ سروک ءَ را برجائیں آپریشنر ءُ برڈر مینجمنٹ ءِ سر ءَ بریفنگ دیگ بوت۔ جنرل قمر جاوید باجوہ ءَ کوھ ءُ جُریں دمگ آنی تہءَ بارڈر فینسنگگ ءِ ٹروپس آنی کار کرد ءَ را ساڑات ءُ گوشت کہ سیم سر آنی رکھینگ ءُ بارڈر مینجمنٹ سسٹم پاکستان ءِ ایمنی ءِ جزم ءِ گواچنی ءِ درشان انت۔ آرمی چیف ءَ ورنا آنی دمگ ءِ ایمنی ءُ برجائی ءِ واستہ کتگیں کوشست آناں توسیپ ءُ ستا پیش کت۔ آرمی چیف ءَ لیڈی ریڈنگ ہسپتال پشاور ءَ مدرستہ ءَ تراک ءِ آماچیں ٹپیگیں زھگ ءُ ایندگر مردم آنی جان سلامتی ءِ بابت ءَ ھال پرسی ھم کت۔