اسلام آباد ۔ 27 ستمبر (اے پی پی) بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ کورونا ھوپ ءِ ھوالگ ءَ اپوزیشن ءِ بھتام ءُ ٹوک ءُ ٹالی آناں وھد ءَ رد سہرا کتگ ءُ پیش داشتگ، سکیں جاور آنی تہ ءَ جوانیں کار کرد ءِ پیش دارگ مزن وزیر عمران خان ءِ گواچنی پجار انت۔ یک شمبے ءَ وتی ٹویٹ ءَ آئی ءَ گوشت کہ کورونا ءَ بگر تاں لس مردم ءِ جان سلامتی، روزگار ءُ کاروبار ءِ برجائی ءَ تاں حکومتی پالیشی آنان مھکمیں نتیجگ برآمد بوتگ۔ آئی ءَ گوشت کہ عمران خان ءِ کامیاتیں وژن ءِ گواہی ھساب ءُ داد دیگ ءَ انت۔ پنجاپ ءَ کورنا کیس آنی کساس 98864 وھدیکہ سندھ ءَ 135246 انت۔ پنجاپ ءَ 2229 وھدیکہ سندھ ءَ 2477 بیرانی بوتگ۔ خیبر پختونخوا ءَ 37525 کیس ءُ 1258 بیرانی بوتگ۔ اسلام آباد ءَ کیس 16324 ءُ 181 بیرانی بوتگ۔