اسلام آباد ۔ 26 ستمبر (اے پی پی) کشمیری حْریت پارٹی ءِ سروک یاسین ملک ءِ لوگ بانک مشال ملک ءَ گوشت کہ مزن وزیر عمران خان ءَ یونائیٹڈ نیشن ءَ کشمیرر آنی کیس ءَ را جوانیں رنگ ءَ مڈ اتگ، میاں اوستمانی برات آں گوں دزبندی انت کہ آ بھارت ءَ را مقبوضہ کشمیر ءَ کودکیں کشمیری آنی کوش ءَ را بدار انت۔ شمبے ءِ روچ ءَ جاڑی بوتگیں بیان ءِ تہ ءَ گوشگ بوت کہ آر ایس ایس ءِ ناشرکاری گل نامینگ بہ بیت۔ مشال ملک ءَ گوشت کہ مزن وزیر ءَ گوں تل پچی ءَ کشمیر ءِ کسی ءَ را یونائیٹڈ نیشن ءَ برتگ، کشمیر ءِ بستار ءَ را ھلاس کنگ ءِ ھلاپ یونائیٹڈ نیشن ءِ منوگری آناں منظور بکنت، ھمک روچ کودکیں کشمیر آنی لاش دور دیگ بوھگ ءَ انت۔ آئی ءَ گوشت کہ کشمیر سروک آنای کوشگ ءِ منصوبگ جوڑ کنگ بوتگ، بھارتی گامگیج یونائیٹڈ نیشن، جینیوا کنونشن ءُ میاں اوستمانی کانود آنی ھلاپ انت، آرٹیکل 370 ءُ 35 اے ءِ ھلاسی ءَ چہ کشمیری آنی کوش ءِ مسل آنی سر ءَ دست چنگل جنگ بوتگ۔