اسلام آباد۔ 27 ستمبر(اے پی پی)صدر مملکت ڈاکٹر عارف علوی ءَ (مرچی) 27 ستمبر 2020 ءَ میاں اوستمانی سیل ءُ سواد ءِ روچ ءِ درگت ءَ وتی کلوہہ ءَ گوشت کہ پاکستان سرجمیں دگنیا ءِ گوما میاں اوستمانی سیل ءُ سوادی روچ برجم دارگ ءَ انت، اے وشیں گپ ات۔ گوزوکیں سال سیل ءُ سواد ءِ میاں اوستمانی روچ ءِ بن گپ “سیل ءُ سواد ءُ کوچگ آنی دیمروئی” گچین کنگ بوتگ۔ ھمک سال یونائیٹڈ نیشن ءِ ادارگ ( یو این ڈبلیو ٹی او) ءِ چیر دستی ءَ بندوبست کنگ ءَ چہ اے روچ برجم دارگ ءِ مول ءُ مراد چاگرد، دود ءُ ربیدگ ءُ کجام ھم ملک ءِ معاشی دیمروئی ءُ سیل ءُ سواد ءِ رند پد آنی ھوالگ ءَ میاں اوستمانی برات آناں سرپدی ءُ زانت سہرا کنگ بہ بیت۔ آئی ءَ گوشت کہ پاکستان وڑیں ملک آنی گیشاں چہ گیش آباتی کوچگی دمگ آنی تہ ءَ نندوک انت ءُ گوزوکیں سال ءَ سیل ءُ سواد ءُ کوچگی دیمروئی ءِ بن گپ ءِ سر ءَ برجم داروکیں میاں اوستمانی روچ ءِ درگت ءَ سیل ءُ سواد چاگردی ءُ معاشی دیمروئی ءَ ارزشتی ایں کرد پیلو کت کنت۔ سیل ءُ سواد ورنا آناں نا ایوک ءَ روزگار پجاری ءَ یک ٹوھیں شوبگ ات اے کوچگی دمگ آنی نندوکیں ورنا ءُ زالبول آناں چاگرد ءِ دیمروئی ءِ ھوالگ ءَ جتا جتائیں گامگیج آنی تہ ءَ ھوار بوھگ ءِ موہ پجارین ایت بلکینگ ءَ دمگی رابطہ آںی دیمروئی بلکینگ ءَ دور ءُ گستائیں کوچگ آنی چاگردی ءُ معاشی دیمروئی ءَ ھم کمکار سہرا بیت۔ آئی ءَ گوشت کہ اے یک جوانیں دل یکیمی گپ ات کہ بنجاھی ءُ صوبائی حکومت ملک ءَ سیل ءُ سوادی دمگ آںی دیرموئی ءُ سیل ءُ سواد ءِ گیش کنگ ءِ واستہ یکجائی گامگیج چست کنگ ءَ انت ءُ سیل ءُ سواد ءِ دیمروئی ءِ واستہ کتگیں اے گامگیج آنی نتیجگ ءَ پاکستان ءَ سیل ءُ سواد ءِ صنعت زوت یک ٹوھیں شوبگ ءِ جوڑ بیت ءُ معیشت ءِ دیمروئی ءَ ارزشتی ایں کرد ءَ پیلو کنت انت۔