اسلام آباد ۔ 27 ستمبر (اے پی پی) بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ نواز شریف ءِ گشتانک ءِ پد ءَ (ن) ءِ توک ءَ جتا جتائیں گوانک چست بوھگ ءَ انت، نواز شریف ءِ مول ءُ مراد ملک ءَ نہ وشی ءُ ناچاکی پیداک کنگ انت، مسلم لیگ (ن) ءَ مدام زاتی سیت ءُ دو تل ءُ دو پوستی ءِ سیاست کتگ، نواز شریف ءِ آشوب دو تل ءُ دو پوستی ات، کریمنل بوھگ ءِ سبب ءَ نواز شریف ءَ را سیاست کنگ بھاشن دیگ زیب نہ دنت، نیب کیسز آنی سبب ءَ چپ ءُ چاگرد تنگ بوھگ ءِ سبب ءَ حکومت ءَ را بلیک میل کنگ لوٹ ایت، اسمبلی آں چہ استعفی ءِ دھمکی ھم اے رچ ءِ کڈئی انت، اپوزیشن باسک استعفی دینگ گڈا نوکیں الیکشن کنائین آں، پی ٹی آئی دوارگ مزنیں گیشی ءَ گوں باج بارت، اپوزیشن جتا جتائیں پندل ساچ ایت ءُ حکومت ءِ دور دیگ ءِ واب ءَ گند ایت، ناکامی آوانی کسمت جوڑ بیت۔ یک شمبے ءِ روچ ءَ ادا میڈیا ءَ گوں تران کنان ءَ بنجاھی وزیر ءَ گوشت کہ نواز شریف ءِ استیں گشتانک آئی جندے گل ءِ اندر ءَ بازیں چیز آنی آماچ انت۔ نواز شریف ءِ گشتانک ءِ پد ءَ (ن) ءِ توک ءَ جتا جتائیں گوانک چست بوھگ ءَ انت، نواز شریف ءِ مول ءُ مراد ملک ءَ نہ وشی ءُ ناچاکی پیداک کنگ انت، مسلم لیگ (ن) ءَ مدام زاتی سیت ءُ دو تل ءُ دو پوستی ءِ سیاست کتگ، نواز شریف ءِ بیان ءِ پد ءَ (ن) لیگ ءِ اندر ءَ جتا جتائیں گوانک چست بوھگ ءَ انت۔ بنجاھی وزیر اھوالکاری ءُ شنگ کاری ءَ گوشت کہ نواز شریف ءِ آشوبی دو تل ءُ دو پوستی ءِ سیاست کتگ، نواز شریف یک کریمینل ات آئی ءَ را بھاشن دیگ زیب نہ دنت۔