اسلام آباد ۔ 27 ستمبر (اے پی پی) مزن وزیر عمران خان ءَ مکن کتگ کہ اوگان آنی نیام ءَ سول ءُ تران ءِ تہ ءَ توامیں سگ ءُ اوپار ءِ درشان کنگ لوٹ ایت، سول ءُ تران ءِ کار ءِ تہ ءَ پینگ ءُ سلوئی ھم بوت کنت، ادا ڈیٹ لاک ھم پیداک بوت کنت چیا کہ اوگان وتی آیوکیں باندات ءِ واستہ یکجائیءَ کار کنگ ءَ انت، اے وڑیں موہ آنی تہ ءَ ما وتی کرد ءَ پیلو بکن ایشاناں یات ءَ بگیج آں کہ سول ءُ تران ءِ وھد ءَ بگیر کشت ءُ ھون ءَ ڈیڈ لاک میدان جنگ ءِ کشت ءُ ھون ءَ چہ سک باز گہتر ءُ جوانتر انت۔ مزن وزیر ءَ اے ھیالانی درشانی واشنگٹن پوسٹ ءِ تاجگیں تاکبند ءَ یک آرٹیکلے ءَ وتی لیکہ آنی درشان ءَ کنان ءَ کت۔ مزن وزیر عمران خان ءَ اے گپ ءِ درشان کت کہ پاکستان یک مھکمیں ، آزات ءُ وت مستریں اوگانستان ءِ جہد ءُ کوشست ءَ اوگان الس ءِ کمک ءَ جاڑی دار ایت ایشی ءَ چہ اوگانستان ءِ گوما ھمساھگیں ملک آنی تہ ءَ ایمنی ءُ برجائی بیت۔ مزن وزیر ءَ گوشت کہ پاکستان اے گپ ءِ سر ءَ دل یکیم انت کہ ایمنیں سول ءُ تران ءِ واستہ اچ رنگیں زور ءُ زوراکی کنگ مہ بیت ءُ توامیں پریک آناں کشاں چیل آناں کم بکن انت۔ مزن وزیر ءَ گوشت کہ امریکہ، میاں اوستمانی دیمروئی فنانس کارپوریشن ءِ گوما اے جیڈھ آنی بنداتی گپ ءُ تران دلبڈی بوتگ۔