اسلام آباد۔ 27 ستمبر (اے پی پی) اوگانستان ءِ مزن تکی راجی سیتی کونسل (ای سی این آر) ءِ چیئرمین ڈاکٹر عبداللہ عبداللہ باندات دو شمبے ءَ سئے روچی تر ءُ تاب ءِ ھاترا پاکستان ءَ پچ ایت۔ آئی ءِ ھمبراھ راجی سیتی کونسل ءِ باسک آں ابید مزن تکی ڈل ھم گون انت۔ راجی سیتی کونسل ءِ چیئرمین ءِ بستار ءَ ڈاکٹر عبداللہ عبداللہ ءِ اولی پاکستان ءِ تر ءُ تاب انت۔ ترجمان درئی کارانی کارگس ءِ نیمگ ءَ یک شمبے ءَ جاڑٰی بوتگیں بیان ءِ رد ءَ وتی تر ءُ تاب ءِ ساھت ءَ ڈاکٹر عبداللہ عبداللہ صدر ڈاکٹر عارف علوی، مزن وزیر عمران خان ءَ گند ءُ نند ءَ ھوار چیئرمین سینیٹ صادق سنجرانی ءُ راجی اسمبلی ءِ سپیکر اسد قیصر ءَ ابید وزیر ءِ درئی کار مخدوم شاہ محمود قریشی ءُ ایندگر کارندہ آں گند ءُ نند کنت انت۔ ڈاکٹر عبداللہ عبداللہ انسٹی ٹیوٹ آف سٹریٹجک سٹڈیز اسلام آباد ءَ یک مراگشے ءَ گشتانک ءَ ابید میڈیا ءَ گوں تران ھم کنت انت۔ آئی یے اے تر ءُ تاب ءَ چہ اوگانستان ءَ ایمنی ءِ کار ءَ کامیاتی ءُ پاکستان ءُ اوگانستان ءِ وت مہوتی رابطہ آں ابید ھمساھگیں ملک آنی السی رابطہ آنی دیمروئی ءُ برجائی ءَ کمک رسیت۔ پاکستان اوگانستان ءِ گوما نزیکیں یکوئی آناں سک باز ارزشت دنگ ایش ، راجدپتری، دود ءُ ربیدگی انت۔ پاکستان اوگان الس ءِ دیمروئی ءُ وشھالی ءُ اوگانستان ءَ ایمنی ءُ برجائی ءِ توامیں کوشت آناں سرجمیں رنگ ءَ کمک کنت۔ ڈاکٹر عبداللہ عبداللہ ءِ پاکستان ءِ تر ءُ تاب دوئیں ملک آںی نزیکیں یکوئی ءُ برجائی ءَ کمک رسیت۔