اسلام آباد ۔ 11 جولائی (اے پی پی)نیشنل کمانڈ اینڈ آپریشن سینٹر (این سی او سی ) ءَ کورونا وائرس ءِ باروا نوکتریں ھساب ءُ کتاب جاڑی کتگ انت۔ گوستگیں 24 کلاکانی تہ 65 مردمانی جان گپتگ، یک روچ ءِ تہ 23 ہزار 569 ٹیسٹ کنگ بوتگ انت،یک لکھ 53ہزار134 مردم کورونا وائرس ءَ را پروشت دیان ءَ جان دراھ بوتگ انت۔ این سی او سی ءِ گوشگ ءِ ردا بلوچستان، آزات کشمیر ءُ گلگت بلتستان ءِ تہ ہچ نادراھ وینٹی لیٹر ءِ سرا نیست انت۔سرجمیں ملک ءِ تہ 394 کورونا نادراھ وینٹی لیٹرز سرا انت وھدیکہ کورونا نادراہانی ھاترا 1568 وینٹی لیٹرز ایر کتگ انت۔ اے وھد ءَ سرجمیں ملک ءِ تہ 2 لکھ46 ہزار351 مصدقہ کیسز انت۔ایشانی تہ آزاد کشمیر ءِ 1532، بلوچستان ءِ 11ہزار128، گلگت بلتستان ءِ1630،اسلام آباد ءِ13ہزار927، خیبر پختونخوا ءِ29 ہزار775، پنجاب ءِ 85 ہزار 991 ءُ سندھ ءِ یک لکھ 23 ہزار 68 کیسز ھوار انت۔ سرجمیں ملک ءِ تہ کورونا وائرس ءَ چہ تنیگہ 5 ہزار123 بیرانی بوتگ انت۔ تنیگہ تاں 15 لکھ 38 ہزار 427 کورونا ٹیسٹ کنگ بوتگ انت۔ ملک ءِ 733 نادراہ جاہانی تہ 4254 نادراہاں را طبی کمک دیگ بوھگ انت۔