اسلام آباد ۔ 11 جولائی (اے پی پی) مزن وزیر عمران خان ءَ گوشت کہ میاں اوستمانی براتری ءَ را سربرینیشیا ءِ تہ 25 سال پیسر ءَ بوتگیں پدریچ کشی ءُ قتل ءُ کوش ءَ چہ سبق ہیل کنگ لوٹ ایت۔اے رنگیں واکیہ دوبر دیما آھگ ءِ موکل دیگ مہ بیت، مروچی کشمیری مہلوک ءَ را بھارت ءِ 8 لکھ فوج ءَ بندیگ جوڈ کتگ، گمان انت کہ اودا ھم اے رنگیں اپسوز ناکیں قتل ءُ کوش مہ بیت۔ ہفتگ ءَ سربرینیشیا ءِ تہ بوتگیں پدریچ کشی ءِ 25 می سالروچ ءِ درگت ءَ گوں وتی کلوھ ءِ تہ مزن وزیر عمران خان ءَ گوشت کہ آہاں را قتل ءُ کوش ءِ ھما روچ جوانیں ءَ یات انت ، اے واکیہ باز ڈکھ ءُ صدمہ ءِ سبب انت۔آہاں گوشت کہ سربرینیشیا کدی اقوام متحدہ ءِ امن فوج ءِ پرامن ءِ جنت ات، اے رنگیں پرامن جاگہ ءِ سرا بیست ءُ پنچ سال پیسر چنچو ممکن بوتگ، من ءَ نوں ھم اے گپءِ صدمہ انت کہ میاں اوستمانی براتری ءَ اے واکیہ ءَ را چنچو دیما آھگ داتگ۔ آہاں گوشت کہ اے ضلوری انت کہ مہ اے واکیہ ءَ چہ سبق ءَ ہیل کنیں،میاں اوستمانی براتری ءَ را باندات ءِ تہ اے رنگیں واکیہ ءَ را دوبر دیم آھگ ءِ موکل نہ دیگ بیت۔مزن وزیر ءَ گوشت کہ مروچی کشمیری مہلوک ءَ را جنجال دیم انت۔ھشت لکھ بھارتی اُردو ءَ 80 لکھ کشمیریاں را بندیگ جوڈ کتگ انت۔ مزن وزیر ءَ اے گمان ءِ درشان کتگ کہ اودا ھم اے رنگیں اپسوز ناک قتل ءُ کوش مہ مہ بیت۔آہاں گوشت کہ من پاکستانی مہلوک ءُ حکومت ءِ پاکستان ءِ نیمگا چہ بوسنیا ءِ مہلوک ءِ ھاترا سلامتی ءُ نیکیں واھشتانی درشان کنگ اوں۔