اسلام آباد ۔ 11 جولائی (اے پی پی) مزن وزیر پاکستان عمران خان آوکیں ھپتگ ءَ دیا میر بھاشا ڈیم ءِ تروتاب کن انت ءُ کنسٹرکشن کار ءِ رپتار ءِ چار ءُ تپاس زورانت۔ دیامر بھاشا ڈیم منصوبگ ءِ سرا کنسٹرکشن ءِ کار بندات بوتگ انت۔ ھپتگ ءَ واپڈا ءِ نیمگا چہ جاڑی جارانک ءِ ردا دیا مر بھاشا ڈیم پراجیکٹ لہتیں سبب ءَ ڈیلے بوتگ ات بلے استیں حکومت ءَ وتی دیمروئی پلان ءِ تہ آُپ ءُ توان ءِ وسیلگ ءَ را پرارٹی گوشان ءَ اے ھاسیں منصوبگ ءِ جوڈ جاڑی ءِ راھ ءِ اڑاند دور دیان ءَ ایشی ءِ کنسٹرکشن بندات کنگ ءِ پیسلہ کتگ۔ پراجیکٹ سرا وڈ ءُ پیم ھاترا حکومت ءِ نیمگا چہ وھد ءِ سرا پیسلہ ساچی کنگ بوتگ انت وھدیکہ واپڈا ءَ اے منصوبگ ءِ جوڈ ءِ ھاترا یک اے رنگیں فنانشل پلان جوڈ کتگ ایشی ءَ چہ راجی ھزانگ ءِ سرا کم ءَ چہ کم بار کپ ایت۔ اے منصوبگ وتی جوڈ ءِ بھر ءَ پترت انت۔گوستگیں سال ءَ مہمندڈیم سراکنسٹرکشن ءِ کار ءِ بنگیجی ءِ پدا یک سال ءِ تہ دیا مر بھاشا ڈیم دومی کثیر المقاصد ڈیم انت ایشی ءِ جوڈ بندات کنگ بوتگ انت۔دیامر بھاشا ڈیم پاکستان ءِ واٹر ، فوڈءُ انرجی سکیورٹی ءِ ضلوریات ءِ ھاترا باز ھاس ءِ منصوبگ انت۔ اے منصوبگ دریاء سندھ ءِ سرا تربیلہ ڈیم ءَ چہ 315 کلومیٹر برزی نیمگا وھدیکہ گلگتءَ چہ 180کلو میٹر ءُ چلاس شہر چہ 40کلو میٹر جہلی نیمگا جوڈ کنگ بوھگ انت۔ منصوبگ 2028-29 ءِ تہ سرجم بیت۔دیا مر بھاشا ڈیم ءِ سئے بنیاتی مقاصد انت ایشی ءِ تہ ایگری کلچر ھاترا آُپ ءِ وسیلگ، ھار ءَ چہ رکھگ ءُ کم ھرچ توان ءِ پیداوار ھوار انت۔ ڈیم ءِ تہ مچ ءِ وڈ ءَ 81لکھ ایکڑ فٹ آپ جم بیت ایشی ءِ ھاترا12لکھ 30ہزار ایکڑ ودکی زمین آبات بیت۔ منصوبگ ءِ توان ودی کنگ ءِ صلاحیت 4ہزار 500میگاواٹ انت ءُ یہ نیشنل گرڈ ءَ را ہمک سال 18ارب یونٹ توان پھجارایت۔ اگہ توان ءِ اے کساس تھرمل وسیلگ ءَ گوں ودی کنگ بیت تو راجی ھزانگ ءَ را ہمک سال ءَ 270ارب کلدار ھرچ کنگ بنت۔یاد بہ بیت کہ تھرمل وسیلگ ءَ چہ توان ءِ پیداوار ءِ اوسط ھرچ کم ءُ گیش 15کلدار یک یونٹ انت۔ دیامر بھاشا ڈیم ءِ جوڈ جاڑی ءَ چہ تربیلا ءُ غازی بروتھا ءِ ھوار دگہ پن بجلی گسانی سالینہ پیداوار سرا ھم شریں تب کپ انت۔ دیامر بھاشا ڈیم ءِ جوڈ بوھگ ءَ چہ تربیلا ڈیم ءِ زند ءِ تہ 35سال ءِ گیش ودکی بیت۔دیا مر بھاشاڈیم پراجیکٹ ھندی مردمانی ھاترا ھم یک نعمت انت۔۔ پراجیکٹ ایریاءِ تہچاگردی دیمروئی ءِ ھاترا اعتماد ساچی ءِ گامگیج ءِ ردا 78ارب 50کروڑ کلدار ھرچ کنگ بوھگ انت۔ پراجیکٹ ءِ تعمیر ءُ سرجمی ءِ پدا ھندی مردمانی ھاترا روزگار ءِ موہ ھم ودی بنت۔